काठमाडौं । भोलि शुक्रबारदेखि ललितपुरको गोदावरीमा हुने नेकपा एमालेको विधान महाधिवेशनको तयारी सकिएको छ । विधान महाधिवेशनमा ६ हजार प्रतिनिधि सहभागी हुने तयारी रहेको छ ।
महाधिवेशन भोली १५ गतेदेखि १७ गतेसम्म हँदैछ । भोलीबाट सुरुहुने महाधिवेशनको दिउँसो १२ः१५ बजे एमाले अध्यक्ष केपी शर्मा ओलीले उद्घाटन गर्ने कार्यक्रम छ ।
हलमा प्रतिनिधिहरुको सिट प्लानिङ गरिएको व्यवस्थापन समितिले आज पत्रकार सम्मेलन गरी जानकारी दिएको हो । पदाधिकारी एवं स्थायी कमिटी सदस्यहरु मञ्चमा हुनेछन् भने मुल हलमा ३ हजार प्रतिनिधि रहने व्यवस्था मिलाईएको पनि व्यवस्थापन समितिले जनाएको छ ।
