जनकपुरधाम । लोकतान्त्रिक समाजवादी पार्टी (लोसपा) बाट जनकपुरधाम उपमहानगरपालिकाको मेयर पदका लागि सिफारिस भएका जानकीराम साह नेकपा (एमाले)मा प्रवेश गरेका छन् ।
उनलाई एमाले अध्यक्ष केपी शर्मा ओलीले पार्टीमा स्वागत गरेका हुन् । तत्कालीन राजपाबाट वडा नम्बर–७ को अध्यक्षमा विजयी भएका साह आज भक्तपुरको बालकोट पुगेर एमाले प्रवेश गरेका हुन् । साहले लोसपाबाट टिकट पाउने सम्भावना नदेखेपछि लोसपा परित्याग गरेको बताइएको छ ।
एमालेले जनकपुरधामको मेयरका लागि गत साता व्यवसायी शिवशंकर साह (हिरा)को नाम सिफारिस गरेको थियो । अब साह एमाले प्रवेश गरेपछि हिराले टिकट पाउने सम्भावनामा आशंका पैदा भएको छ ।
