काठमाडौँ । नेकपा (माओवादी केन्द्र) धादिङका नेता एवम् बेनीघाट रोराङ गाउँपालिका प्रमुख पित्तबहादुर डल्लाकोटी (हरि)ले पार्टीका अध्यक्ष पुष्पकमल दाहाल प्रचण्डसँग भेट गरेका छन् ।
नेकपा एमालेमा प्रवेश गरेको २४ घण्टा नबित्दै पुनः माओवादी मै फर्किएका हरी अध्यक्ष दाहाललाई भेट्न उनको नीजि निवास खुमलटार पुगेका हुन् ।
२०७४ सालको स्थानीय तह निर्वाचनमा माओवादीबाट बेनीघाट रोराङको प्रमुखमा निर्वाचित डल्लाकोटीलाई सोमबार एमाले अध्यक्ष केपी शर्मा ओलीले खादा लगाएर एमालेमा प्रवेश गराएका थिए ।
तर, मंगलबार एक एक विज्ञप्ती सार्वजनिक गर्दै क्षेणिक आवेग र आक्रोश आवेगमा एमाले प्रवेश गरेको जनाउँदै फेरि माओवादीमै फर्किएको डल्लाकोटीले घोषणा गरेका छन् ।
उनले प्रचण्डसामु आफूले एमाले प्रवेश गरेर गल्ती गरेको बताएका छन् ।
गल्ती गरेको महशुस गरेकाले अब काममा फर्कन प्रचण्डले डल्लाकोटीलाई निर्देशन दिएका छन् ।
