काठमाडौँ । ऐतिहासिक तथा सांस्कृतिक शहर जनकपुरको आफ्नो हालै सम्पन्न छोटो भ्रमणका क्रममा दूतावासकी सांस्कृतिक मामिला अधिकृत सेरा नाइट्ले जनकपुर महिला विकास केन्द्रको अवलोकन गर्नुभयो ।
यो संस्था मैथिल महिलाहरूलाई परम्परागत कलाकृति उत्पादन गर्न तालिम दिने र काममा लगाउने नेपालकै पहिलो संस्था हो।
सो क्रममा सेरा नाइट्ले मिथिला चित्रकला बनाउने र लोकप्रिय स्थानीय नाच ‘झी झिया’ मा सामेल हुने तरिका सिक्ने प्रयास गर्नुभएको नेपालस्थित अमेरिकी दूतावासले जनाएको छ ।
सो संस्थालाई अमेरिकी दूतावासले केही वर्षअघि २० स्थानीय महिला कलाकारहरूलाई वहाँहरूको कलाको उत्पादन र प्रवर्द्धनका विविध विषयहरूमा तालिम दिन सहयोग गरेको थियो।
