साओमीले रेडमी नोट सिरिजको स्मार्टफोन नेपाली बजारमा सार्वजनिक गरेको छ । कम्पनीले क्वाड क्यामेरा सेटअपसहितको उक्त फोन बुधबार एक कार्यक्रम आयोजना गर्दै सार्वजनिक गरेको हो । साओमी नेपालका कन्ट्री जनरल म्यानेजर सौरभ कोठारीले स्मार्टफोन श्रेणीमै रेडमी नोट अब्बल रहँदै आएको बताएका छन् ।
६४ एमपी क्वाड क्यामेरा बिस्ट–रेडमी नोट ८ प्रो सार्वजनिक गर्न पाउँदा निकै खुसी भएको उनले बताए। उनका अनुसार विश्वकै ६४ एमपी क्यामेराका साथ हेलियो जी ९ ओटी चिपसेट भएको उक्त स्मार्टफोनले गेमिङ र फोटोग्राफीमा नयाँ बेन्चमार्क कायम गर्नेछ । २० एमपी सेल्फी सुटर रहेको रेडमी नोट ८ को फ्रन्ट क्यामेरा निकै राम्रो रहेको छ । सार्वजनिक भएको उक्त फोनको मोटाइ भने ८ दशमलव ८ इन्च रहेको छ भने डिस्प्ले ६ दशमलव ५३ इन्च डट नोच र एसपेक्ट रेसियो १९.५ः९ रहेको छ ।
फोनमा ४ हजार ५ सय एमएएचको ब्याट्री प्रयोग गरिएको छ जसले पूरै दिन उत्कृष्ट गेमिङ र फोटोग्राफीमा सहयोग पुग्छ । रेडमी नोट ८, ६ जिबी प्लस ६४ जिबी र ६ जिबी प्लस १ सय २८ जिबी भेरियन्टमा उपलब्ध छ । उक्त भेरियन्टको बजारमूल्य क्रमशः १८ हजार ९ सय ९९ र २३ हजार ९ सय ९९ रुपैयाँ रहेको छ । उक्त स्मार्टफोन मुनलाइट ह्वाइट, स्पेस ब्लक र नेप्चयुन ब्लुमा उपलब्ध छ ।
यस्तै, रेडमी नोट ८ प्रो भने ६ जिबी प्लस ६४ जिबी, ६ जिबी प्लस १ सय २८ जिबी र ८ जिबी प्लस १ सय २८ जिबी गरी ३ भेरियन्टमा उपलब्ध छ । जसको बजारमूल्य क्रमशः २६ हजार ९ सय ९९, २९ हजार ९ सय ९९ र ३२ हजार ९ सय ९९ रुपैयाँ छ ।
