कोरोनाको संकट यो बढेर
संपूर्णमानवजाति नैआक्रान्त भो
सबैको यो संकटको घडी मा
रक्षा गर्नोस् पशुपतिनाथ त्राहि
कोरोनाभाइरस नयाँ रोग हो यो
यसको कुनै आज दवाई छैन
वैज्ञानिकलाई क्षमता बक्सियोस्
औषधी बनोस् पशुपतिनाथ त्राहि
संसार साराको कुना कुनामा
कोरोना महामारी बढी रहेछ
संपूर्ण विश्व यसबाट त्रसितभै
आत्तिइ सक्यो पशुपतिनाथ त्राहि
जगतभरि कैै जनताहरु सबै
कोरोनारोग संक्रमणको भयले
घर बाहिर निस्कन नै नहुने भो
सबै जना लाइ पशुपतिनाथ त्राहि
कोरोनाको रोग सबतिर फैलिइ
दिन दिन बिरामी धेर बढ्न थाले
अस्पतालैले यसलाइ नधान्ने भो
नबढुन् रोगी पशुपतिनाथ त्राहि
कोरोनारोगको प्रकोप बढेर
दिन दिन मान्छे धेर मर्न थाले
रोगलाइ जित्ने क्षमता बढोस् प्रभु
नमरुन् मान्छे पशुपतिनाथ त्राहि
कोरोना ले खेती हुन नसक्ने भो
संचित खाद्य पनि सकिने भो
गरीबका घरमा खान नै कठिन भो
खान पाउन् पशुपतिनाथ त्राहि
गोरस दिने गाईवस्तु हाम्रा
ती वस्तुभाऊ आँफै भोका भए
कसोरी भूखमरीलाई बचाउने
पशु बचुन् पशुपतिनाथ त्राहि
