काठमाडौं । विश्वकप क्रिकेटअन्तर्गत वेस्ट इन्जिमा हुने खेलहरुमा सहभागी हुने भएपछि सन्दीप लामिछानेलाई वरिष्ठ कलाकार हरिवंश आचार्यले शुभकामना दिएका छन् ।
सन्दीप लामिछाने नेपाली टोलीमा सहभागी हुन आज मात्र वेस्ट इन्डिजमा पुगेको सार्वजनिक भएलगत्तै वरिष्ठ कलाकार आचार्यले सामाजिक सञ्जालमार्फत् शुभकामना दिएका हुन् ।
लामिछाने टी–२० विश्वकपमा सहभागी हुन वेस्ट इन्डिज पुगेका छन् । सामाजिक सञ्जाल फेसबुकमार्फत् उनले आफू वेस्ट इन्डिज पुगेको जानकारी दिएका छन् । यो लगत्तै हरिवंश आचार्यले शुभकामना दिएका हुन् ।
वरिष्ठ कलाकारहरु मदन कृष्ण श्रेष्ठ र हरिवंश आचार्यले यसअघि कान्तिपुरका अध्यक्ष कैलाश सिरोहियाको गिरफ्तारीप्रति आपत्ति जनाउँदा पछि मागी माग्नुपरेको थियो । अहिले पनि सन्दीपलाई विश्वकपमा सहभागी हुन्छ कि हुँदैन भन्नेमा नेपालीको जनमत विभाजित छ ।
हरिवंशले दिएको शुभकामनामा मिश्रित प्रतिक्रियाहरु आइरहेका छन् ।
सन्दीप वेस्ट इन्डिजमा हुने दक्षिण अफ्रिका र बंगलादेशविरुद्धको दुई खेलमा सहभागी हुनेछन् ।
