काठमाडौँ । नेपाली सुनचाँदी बजारमा सुनको मूल्यले आज फेरी नयाँ रेकर्ड बनाएको छ । हिजो मात्रै रेकर्ड बनाएको सुन आज तोलामा १ हजार रुपैयाँले बढ्दै हालसम्मकै उच्च विन्दुमा पुगेको नेपाल सुनचाँदी व्यवसायी महासंघले जनाएको छ ।
आज छापावाल सुन प्रतितोला एक लाख ४५ हजार रूपैयाँमा कारोबार भईरहेको छ । अघिल्लो दिन बिहीबार छापावाल सुनको मूल्य तोलामा एक लाख ४४ हजार रुपैयाँमा कारोबार भएको थियो ।
यस्तै शुक्रबार तेजाबी सुन प्रतितोला एक लाख ४४ हजार तीन सय रूपैयाँमा कारोबार भइरहेको छ । हिजो तेजाबी सुन प्रतितोला एक लाख ४३ हजार तीन सय रूपैयाँमा कारोबार भएको थियो ।
शुक्रबार चाँदीको मूल्य पनि बढेको छ । आज चाँदी प्रतितोला १० रूपैयाँले बढेर एक हजार नौ सय रूपैयाँमा कारोबार भईरहेको महासंघले जानकारी दिएको छ ।
भन्सार कर वृद्धि र अन्तर्राष्ट्रिय बजारमा सुनको भाउ बढेकाले स्थानीय बजारमा यसको मूल्य बढेको जनाइएको छ ।
