काठमाडौं । शुक्रबार देशभर ३०२ जनामा कोरोना भाइरसको संक्रमण पुष्टि भएको छ । पछिल्लो २४ घण्टामा ३५४५ जनाको पिसिआर परिक्षणमा ३०२ जनामा संक्रमण पुष्टि भएको हो । योसहित हालसम्म संक्रमित हुनेको कुल संख्या दुई लाख ६८ हजार ९४८ पुगेको छ।
स्वास्थ्य तथा जनसंख्या मन्त्रालयका अनुसार पछिल्लो २४ मा ४८० जना निको भएसंगै कोरोनाबाट निको हुनेको कुल संख्या दुई लाख ६३ हजार ३४८ पुगेको छ।
शुक्रबार कोरोना संक्रमणबाट थप सात जनाको मृत्यु भएसँगै कोरोनाबाट मृत्यु हुनेको संख्या एक हजार ९८६ पुगेको मन्त्रालयले जनाएको छ।
