काठमाडौं। आमाबाबु र बच्चाको सम्बन्ध संसारकै अनमोल सम्बन्ध मानिन्छ । आमाबाबु बच्चासँगै सुत्दा यी दुईको सम्बन्ध अझ प्रगाढ हुन्छ । आमाबाबुसँग बच्चा सुत्दा बच्चालाई मात्र होइन, आमाबाबु दुवैलाई फाइदा हुन्छ भन्ने कुरा धेरैलाई थाहा नहुन सक्छ । विभिन्न अध्ययनले बच्चासँगसँगै आमाबाबुलाई पनि फाइदा हुने देखाएको छ ।
के-के हुन्छ फाइदा ?
१) सुत्ने बेला आफूसँग आमाबाबु हुन्छन् भने बच्चाले आफूलाई निकै सुरक्षित महसुस गर्छन् । एक्लै सुत्दा बच्चाले असुरक्षित महसुस गर्ने गर्छन् । एक्लै सुत्दा बच्चा बीचमै उठ्ने भएकाले निद्रा पूरा गर्न पाउँदैनन् ।
२) समयमै सुत्ने गर्दा निद्रा पूरा मात्र हुँदैन, स्वास्थ्य पनि राम्रो हुन्छ । बच्चालाई स्वस्थ बनाइराख्न पनि समयमै आमाबाबुले बच्चासँग सुत्ने गर्नुपर्छ ।
३) एक अध्ययनअनुसार आफूसँग आमाबाबु सुतेमा बच्चाहरूले आत्मसम्मानको महसुस गर्छन् । जसले व्यावहारिक समस्या सुल्झिँदै जान्छ । आफ्ना साथीहरूको दबाबमा रहँदैनन्, आफैं खुसी र सन्तुष्ट हुन्छन् ।
४) यदि तपाई बच्चासँगै सुत्नुभयो भने दिनभरि कसरी बित्यो, के के गर्यौ, अघिल्लो दिनको प्लानिङ कस्तो छ भनेर सजिलै सोध्न सक्नु हुन्छ । यसो गर्दा बच्चाहरूले तपाईलाई आफ्नो मनको सबै कुरा निर्धक्क बताउने गर्छन् र आरामले निदाउने गर्छन् ।
५) आफ्नो बच्चासँग सुत्दा नर्सिङ पेसामा आबद्ध आमाहरूलाई धेरै फाइदा हुन्छ । उनले निकै आरामको महसुस गर्छिन् । आफ्नो विस्तारा छोडेर बारम्बार बच्चालाई हेर्न जानुपर्दैन ।
६) यदि बच्चाले सुत्ने बेला आमाबाबुसँग कथा भन्नुस् न भनेमा त्यो नराम्रो होइन, उनीहरूले सुत्न नचाहेको भन्ने बुझ्नु हुन्न । दिनभर आमाबाबु काम गर्दा थाकेका हुन्छन्, सँगै समय बिताउन नसक्ने भएकाले सँगै सुत्ने बेला उनीहरूले कथा भन्नुस् न भनेका हुन्छन् । यसो गर्दा बच्चा र आमाबाबु दुवै मज्जाले निदाउन सक्छन्
