काठमाडौँ । नेपाल सुपर लिग (एनएसएल)मा आज मंगलबार एक खेल हुँदैछ । आज हुने खेलमा एफसी चितवन र काठमाडौं रेजर्सबीच प्रतिस्पर्धा हुँदैछ ।
यी दुई टोलीबीचको खेल साँझ ५ः३० बजे दशरथ रंगशालामा सुरु हुनेछ ।
साविक विजेता काठमाडौंले पहिलो खेलमा स्पोर्टिङ इलामलाई हराउँदै प्रतियोगितामा विजयी सुरुवात गरेको थियो । चितवन भने पहिलो पोखरा थन्डर्ससँग पराजित भएको थियो ।
काठमाडौं लगातार दोस्रो जितको खोजीमा हुनेछ भने चितवन पहिलो जित निकाल्ने लक्ष्यका साथ मैदान उत्रनेछ । यसअघि हिजो सोमबार भएको खेलमा स्पोर्टिङ इलाम एफसीले झापा एफसीलाई १–० गोलले हरायो ।
