रसुवा । रसुवाको आमाछोदिङ्मो गाउँपालिका-२ नेशिङ खोलामा सोमबार साँझ छ बजे मिनी ट्रक दुर्घटना हुँदा तीन जनाको मृत्यु भएको छ । दुर्घटनामा पाँच जना घाइते भएका छन् ।
सोमबार नेशिङ्बाट आलु बोकेर ग्रे गाउँतर्फ गइरहेको बा५ख ५७८ नम्बरको मिनी ट्रक दुर्घटना भएको प्रहरीले जनाएको छ ।
दुर्घटनामा आमाछोदिङ्मो-२ का ३२ वर्षीय अक्कलबहादुर तामाङ, ३० वर्षीय फुर्पु छेवाङ तामाङ र ३९ वर्षीया पेम्वाडोल्मा तामाङको मृत्यु भएको छ । तीनै जनाको घटनास्थलमै मृत्यु भएको प्रहरीको भनाई छ ।
दुर्घटनामा घाइते भएकाहरुमध्ये जिल्ला अस्पतालमा उपचार भइरहेको छ । ट्रक सडकबाट करिब दुई सय मिटर तल खसेको छ ।
