काठमाडौँ । प्रधानमन्त्री पुष्पकमल दाहाल ‘प्रचण्ड’ ले चीनका राष्ट्रपति सी चिनफिङसँग असोज ६ गते भेट गर्ने कार्यक्रम तय भएको छ ।
प्रधानमन्त्री प्रचण्ड संयुक्त राष्ट्रसंघको महासभामा सहभागि भएर असोज ५ गते अमेरिकाबाट सिधै चीन जान लाग्नुभएको हो ।
शुक्रबार प्रतिनिधिसभाको बैठकलाई सम्बोधन गर्दै प्रधानमन्त्री प्रचण्डले असोज ६ गते चीनका राष्ट्रपति सीसँग भेट गर्ने र सोही दिन हुने एसियन खेलकुदको उद्घाटन समारोहमा सहभागी हुने कार्यक्रम तय भएको जानकारी गराउनुभयो ।
प्रधानमन्त्रीले चीनका प्रधानमन्त्री लि छ्याङलाई भने बेइजिङमा भेट्ने बताउनुभयो । उहाँले भन्नुभयो,‘चीनका राष्ट्रपति सी चिनफिङसँग मैले हाङ्जाओमा भेट्ने छु, सोही दिन म एसियन गेमको उद्घाटनमा सहभागी हुनेछ । चिनियाँ समकक्षी लि छ्याङसँग २५ सेप्टेम्बर (असोज ८ गते) बेइजिङमा भेट हुनेछ ।’
उहाँले चीनको औपचारिक भ्रमणका बेला नेपाल र चीनबीचको सम्बन्धलाई मजबुत बनाउन आफ्नो प्रयास रहने पनि बताउनुभयो ।
