देशमा को बढि राष्ट्रवादी र राष्ट्रघातीको प्रवृत्ति बढ्दै जानु भिडन्तको संकेत–दीपकराज गिरी

काठमाडौं । चलचित्र निर्माता तथा कलाकार दीपकराज गिरीले देशमा राष्ट्रवादी र राष्ट्रघातीको प्रवृत्ति बढ्दै जानु भिडन्तको संकेत भएको आशंका जनाएका छन् ।

उनले दलहरूको वितृष्णाका कारण नयाँ व्यक्ति र शक्ति उदय भएपनि उनीहरूबीच नै को बढी राष्ट्रवादी भन्ने प्रतिस्पर्धा चलेको टिप्पणी गरेका छन् ।

यसले भोक र गरिबीलाई एकातिर छाडेर मुद्दा अन्तै मोड्ने बताउदै उनले भनेका छन्, ‘नयॉ व्यक्ति र दलहरूको नारा सबैभन्दा पहिला राष्ट्रियता रह्यो, त्यो स्वभाविक पनि हो । हरेक गरिब र कमजोर मूलुकमा सबैभन्दा चॉडै आफूतिर आकर्षित गर्न सक्ने हतियार भनेकै राष्ट्रियता हो । अब यसरी उदाएका शक्तिहरू बीच नै को बढी राष्ट्रवादी भन्ने प्रतिस्पर्धा नै चलेको छ !’

उनले राष्ट्रवादी बिनासकारी प्रतिस्पर्धा बाट बाहिर आएर ब्यक्तिगत स्वार्थ त्यागेर हातेमालो गरेर अगाडि बढेमा मात्र मुलुकको भलो हुने अपेक्षा व्यक्त गरे । ‘अब हामी देश विकासको लागि होइन, को बढी देशभक्त हो भनेर लड्ने छौं । अदृश्य शक्तिलाई त जसरी पनि लडाउनु नै छ हामीलाई । पहिला हाम्रा पूर्खा राष्ट्रको लागि विदेशीसँग लडे । अब हामी राष्ट्रियताको नाममा आफूआफू लड्नेछौं । यसबाट जुन पक्षले जिते पनि देशले चाहिँ हार्नेछ’, दीपकले लेखेका छन्,’समय छंदै यो बिनासकारी प्रतिस्पर्धा बाट बाहिर आएर एकले अर्को को बिचारको सम्मान गर्दै दलिए र ब्यक्तिगत स्वार्थ त्यागेर हातेमालो गरेर अगाडि बढेमा मुलुकमा रहेको बिद्यामान समस्याहरू बिरूद्द जीत हासिल गरेर देश अगाडि बढाउन सकिएला नत्र यहि शैलिमा अघि बढे ।’

https://www.facebook.com/deepakrajgiri84/posts/6567859293277689?ref=embed_post