काठमाडौं । सत्तासाझेदार नेकपा (एकीकृत समाजवादी)ले एमसीसी सम्झौंताबिरुद्ध काठमाडौंमा बिरोध प्रदर्शन गरेको छ ।
आईतबार सो पार्टीको भातृ संगठनहरुले एमसीसी संसदबाट पास गराउन नहुने भन्दै बिरोध प्रदर्शन गरेका हुन् । उनीहरुले एमसीसी चाहिँदैन, राष्ट्रिय स्वाभिमानको रक्षा गरौँ, एमसीसी खारेज गरौँ, ब्याक एमसीसी, वैदेशिक हस्तक्षेप मुर्दावादलगायतका प्लेकार्डसहितको नारा लगाएका थिए । प्रदर्शनका क्रममा पार्टीसँग आवद्ध भातृ संगठनका नेताहरुले संसदबाट एमसीसी पास भएमा अझै सशक्त रुपमा आन्दोलन चर्काउने चेतावनीसमेत दिएका छन् ।
माधव नेपाल नेतृत्वको नेकपा (एकीकृत समाजवादी)ले एमसीसी यथास्थितीमा स्वीकार्य नहुने अडान राख्दै आएको छ ।
