एजेन्सी । ईन्डियन प्रिमियर लिग (आईपीएल) अन्तर्गत राजस्थान रोयल्सले लज्जास्पद हार बेहोरेको छ । आइतबार साँझ सम्पन्न खेलमा राजस्थान रोयल च्यालेन्जर्स बैंगलोरसँग ११२ रनले पराजित भएको हो ।
१७२ रनको विजयी लक्ष्य पछ्याएको राजस्थान १०.३ ओभरमा अलआउट हुँदै ५९ रनमात्र जोड्यो । शिमरोन हेटमायरले १९ बलमा ३५ रन जोड्नुबाहेक अन्य ब्याट्सम्यानले दोहोरो अंक जोड्न सकेनन् ।
जोय रुटले १५ बलमा १० रन जोडे । पाँच ब्याट्सम्यानले त खातासमेत खोल्न सकेनन् । बैंगलोरका लागि बलिङतर्फ वायन पर्नेलले तीन, करण शर्मा र मिचेल ब्रासवेलले दुई–दुई विकेट लिए भने मोहम्मद सिराज र ग्लेन म्याक्सवेलले एक–एक विकेट लिए ।
त्यसअघि राजस्थानको जयपुरमा टस जितेर ब्याटिङ थालेको आरसीबीले २० ओभरमा ५ विकेटको क्षतिमा १७१ रन जोडेको हो । बैंगलोरका लागि कप्तान फाफ डु प्लेसिसले ४४ बलमा ५५ रनको अर्धशतकीय इनिङ्स खेले ।
यस्तै, ग्लेन म्याक्सवेलले ३३ बलमा ५४ रनको अर्धशतकीय इनिङ्स खेले । विराट कोहलीले १९ बलमा १८ रन जोड्दा अनुज रावत ११ बलमा २० रनसहित अविजित रहे । अन्य ब्याट्सम्यानले दोहोरो अंक जोडेनन् ।
बलिङतर्फ राजस्थानका लागि एडम जाम्पा र केएम आसिफले दुई विकेट लिँदा सन्दीप शर्माले एक विकेट लिए ।
