एजेन्सी । अमेरिकाको डेडेभिल सहरमा शनिबार राति भएको गोलीकाण्डमा चार जनाले ज्यान गुमाएका छन् भने १६ जना घाइते भएका छन् । घटना डान्स स्टुडियोमा घटेको थियो जहाँ एक किशोरको जन्मदिन मनाइँदै थियो ।
गोली चलेको खबर पाएलगत्तै प्रहरी घटनास्थलमा तैनाथ भएर महोगनी मास्टरपिस डान्स स्टुडियोलाई घेरा हाली घटनास्थल वरिपरि टेप लगाएर बाहिरीलाई प्रवेशमा रोक लगाएको थियो । अलाबामा राज्य पुलिसले गोलीबारी घटना राती १०ः३० बजे भएको जनाएको छ ।
घटनाको विस्तृत विवरण भने आइसकेको छैन । तर प्रहरीले शंकास्पद व्यक्तिलाई नियन्त्रणमा लिएको छ । अमेरिकी राष्ट्रपति जो बाइडेनले घटनाप्रति दुःख व्यक्त गर्दै निन्दा गरेका छन् ।
