एजेन्सी । इन्डियन प्रिमियर लिग (आईपीएल)–२०२३ को १६ औं सिजनको १९औं खेलमा हैदरावादले दोस्रो जित निकालेको छ ।
गएराति सम्पन्न खेलमा १३.२५ करोडमा बिक्रि भएका ब्याट्सम्यान ह्यारी ब्रुकको सानदार ब्याटिङमा तथा सिजनको पहिलो शतककीय इनिङ्समा हैदरावादले कोलकाता नाइट राइडर्सलाई २३ रनले पराजित गरेको हो । हैदरावादले कोलकातालाई उसकै मैदान इडेज गार्डेनमा पराजित गर्यो ।
यो साता पाँचौं टोलीले घरेलु मैदानमा खेल हारेको छ । यसअघि सोमबार बेंगलुरुमा आरसीबी, मंगलबार दिल्लीमा डीसी, बुधबार चेन्नईमा सीएसके, मोहालीमा पीबीकेएस म्याच हारेको थियो । हैदरावाद–कोलकाताको जित–हारको रेकर्डको बारेमा कुरा गर्दा, कोलकातामाथि हैदरावादको यो ९ औं जित हो । यी दुईबीच २४ खेल खेलिएका छन् ।
कोलकाताको इडेन गार्डेन रंगशालामा आयोजक कप्तान नितिश राणाले टस जितेर पहिले बलिङ रोजेका थिए । टस हारेर ब्याटिङ गरेको हैदरावादले २० ओभरमा चार विकेट गुमाएर २२८ रन बनाएर सिजनको सबैभन्दा ठूलो स्कोर बनाएको थियो । जवाफमा कोलकाताले २० ओभरमा सात विकेट गुमाएर २०५ रन मात्रै बनाउन सक्यो ।
ह्यारी ब्रुकको शतक
ह्यारी ब्रुकले आईपीएलमा आफ्नो पहिलो शतक बनाएका छन् । उनले ५५ बलमा शतक पूरा गरेका हुन् । उनले १२ चौका र ३ छक्का प्रहार गरे । यसअघि ब्रुकले ३२ बलमा आफ्नो पहिलो अर्धशतक पूरा गरे र यसलाई शतकमा परिणत गरे । ब्रुकले एडेन मार्करामसँग ४७ बलमा ७२ रनको साझेदारी गरे । यहाँ मार्कराम (५० रन) आफ्नो करियरको चौथो अर्धशतक बनाएर आउट भए । ह्यारी ब्रुकलाई हैदरावादले १३.२५ करोडमा टिममा भित्र्याएको थियो ।
हैदरावादका ह्यारी ब्रुकका अलावा कप्तान एडेन मार्करामले २६ बलमा ५० र अभिषेक शर्माले १७ बलमा ३२ रन बनाए । कोलकाताका आन्द्रे रसेलले तीन विकेट लिए भने वरुण चक्रवर्तीले एक विकेट लिए ।
जवाफी इनिङ्समा कोलकाताका ओपनर एन जगदीशनले ३६ रन जोडे भने कप्तान नितिश राणाले ४१ बलमा ७५ र रिंकु सिंहले ३१ बलमा ५८ रन बनाए । हैदरावादका मार्को यानसेन र मयंक मार्कण्डेले २–२ विकेट लिए । भुवनेश्वर कुमार, टी नटराजन र उमरान मलिकले एक–एक विकेट लिए ।
कोलकाताका लागि नितिश राणाले कप्तानी पारी खेले । उनले ४१ बलमा १८२.९३ को स्ट्राइक रेटमा ७५ रन बनाए । नितिशको इनिङ्समा ५ चौका र ६ छक्का समावेश थियो । राणाले जगदीशन र रिंकु सिंहसँग दुई अर्धशतकीय साझेदारी गरे । २० रनमा तीन विकेट गुमाएपछि कप्तान राणाले एन जगदीसनसँग अर्धशतकीय साझेदारी गर्दै टोलीलाई पुनर्जीवित गराए ।
नितिश राणाले द्रुत रन बनाए पनि २२९ रनको लक्ष्य पछ्याएको कोलकाताको टोलीलाई सुरुवाती झट्का लागेको थियो । टोलीले शून्य रनमा ओपनिङ गर्न आएका विकेटकिपर गुरबाजको पहिलो विकेट गुमायो ।
केही समयपछि वेंकटेश अय्यर पनि २० रनको टिमको स्कोरमा पेभिलियन फर्किए । उनी चौथो ओभरको दोस्रो बलमा यान्सेनबाट आउट भएका थिए । अर्को बलमा यानसेनले सुनिल नारायणलाई शून्य रनमै पेभिलियनको बाटो देखाए । केकेआरको टोलीले पावरप्लेको ६ ओभरमा तीन विकेट गुमाएर ६२ रन बनाएको थियो ।
आजको खेलः रोयल च्यालेन्जर्स बैंगलार भर्सेस दिल्ली क्यापिटल्स, दिउँसो ३ः४५ बजे
लखनउ सुपरजायन्ट्स भर्सेस पञ्जाव किंग्स, साँझ ७ः४५ बजे
