एजेन्सी । १६ औं संस्करणको इन्डियन प्रिमियर लिग (आईपीएल) अन्तर्गत आज राजस्थान रोयल्स र पञ्जाब किंग्सले प्रतिस्पर्धा गर्दैछन् । यी दुई टीमबीचको खेल गुवाहाटीस्थित आसाम क्रिकेट एसोसियन (एसीए) स्टेडियममा साँझ ७ः४५ बजे सुरु हुनेछ ।
दुबै टिम लगातार दोस्रो जितको खोजिमा हुनेछन् । गत शनिबार पञ्जाबले कोलकातालाई ७ रनले हराउँदा राजस्थानले आइतबार हैदराबादलाई ७२ रनले पराजित गरेको थियो । उक्त खेलमा राजस्थानका जोस बटलर, यशस्वी जैसवाल र कप्तान सञ्जु सामसनले अर्धशतक बनाएका थिए । यस्तै, दोस्रो इनिङ्समा युजभेन्द्र चहलले १७ रन दिएर ४ विकेट लिएका थिए ।
टोलीमा पञ्जाबविरुद्ध ४ विदेशी खेलाडीमा बटलर, शिमरोन हेटमायर, जेसन होल्डर र ट्रेन्ट बोल्ट हुन सक्नेछन् । यिनीहरु बाहेक रविचन्द्रन आश्विन, यशस्वी र देवदत्त पद्दिकलले पनि टिमलाई बलियो बनाइरहेका छन् ।
पञ्जाबले कोलकाता नाइट राइडर्सलाई डिएलएस पद्धतिअन्तर्गत मोहालीमा ७ रनले पराजित गरेको थियो । ३ विकेट लिने अर्शदीप सिंह प्लेयर अफ दि म्याच भए । त्यस्तै, भानुका राजपाक्षे, शिखर धवन र साम करणले ब्याटिङमा राम्रो प्रदर्शन गरे । कागिसो रबाडा राजस्थानविरुद्धको खेलमा पञ्जाब टोलीमा फर्किनेछन् । भानुका राजापाक्षे, सिकन्दर राजा र साम करण टोलीमा बाँकी विदेशी खेलाडी हुन सक्छन् । यी बाहेक धवन, अर्शदीप र राहुल चाहरले पनि टोलीलाई बलियो बनाइरहेका छन् ।
सन् २०१९ देखि राजस्थान र पञ्जाबबीच प्रतिस्पर्धा बढ्न थाल्यो । त्यसपछि जयपुरमा रविचन्द्रन आश्विनको कप्तानीमा रहेको पञ्जाबले पहिलो इनिङ्समा १८४ रन बनाएको थियो । जवाफमा राजस्थान १२ औं ओभरसम्म खेल जित्ने अवस्थामा थियो तर १३औं ओभरमा अश्विनले ६९ रनमा ब्याटिङ गरिरहेका बटलरलाई आउट गरेका थिए । यो विकेटपछि राजस्थान १४ रनले पराजित भयो ।
यस खेलपछि २०२० मा राजस्थानका राहुल तेवाटियाले पञ्जाबका शेल्डन कोट्रेलको ओभरमा ५ छक्का प्रहार गर्दै आफ्नो टोलीलाई २२४ रनको लक्ष्य पछ्याउन सफल भएका थिए । २०२१ मा, राजस्थानका कार्तिक त्यागीले पञ्जाब विरुद्ध अन्तिम ओभरमा ४ रन बचाउँदै आफ्नो टोलीलाई २ रनले जित दिलाए ।
आज फेरि यी दुईबीच रोमाञ्चक प्रतिस्पर्धा हुने अनुमान गरिएको छ । हेड टु हेड म्याचको कुरा गर्दा दुवै टोलीले आपसमा २४ खेल खेलिसकेका छन् । रोयल्सले १४ पटक र किंग्सले १० पटक खेल जितेका छन् ।
