काठमाडौँ । आईसीसी यू–१९ विश्वकप एसिया क्षेत्र छनोट अन्तर्गतको निर्णायक खेलमा नेपालले यूएईविरुद्ध टस जितेको छ । आजमानमा रहेको इडेन गार्डेन ओभलमा टस जितेर नेपालले पहिले ब्याटिङ गर्ने भएको छ ।
नेपालले आजको खेलमा मलेसियालाई १० विकेटले हराउँदाको टोलीलाई नै निरन्तरता दिएको छ । आजको खेलमा पनि दुर्गेश गुप्ता, दीपक डुम्रे र दीपक बोहरा बेन्चमा राखेको छ।
नेपाल र युएई दुवै सुरुवाती चार खेल देखि नै अपराजित रहदै आएको छ । दुवैको समान ८ अंक भएपनि युएईको नेटरनरेट बढि भएकोले शीर्ष स्थानमा छ । नेपाल आजको खेलमा युएईलाई हराएर २०१६ पछि पहिलो पटक विश्वकप खेल्ने सोचमा छ ।
नेपालले यसअघिको खेलमा सिंगापुरलाई ९६, कुवेतलाई २ सय ४३, हङकङलाई ९ विकेट र मलेसियालाई १० विकेटले पराजित गरेको थियो । यस्तै, घरेलु टोली युएईले पनि मलेसियालाई ७ विकेट, हङकङलाई १ सय ६३ रन, सिंगापुर र कुवेतलाई ८–८ विकेटले हराएको थियो ।
नेपाल २०१९ मा युएईसँगको एक रनको हारको बदला लिँदै विश्वकपमा पुग्न चाहन्छ । २०१९ मा नेपालले दिएको २ सय ४८ रनको लक्ष्य पछ्याएको युएईले ३० ओभरमा १२२(३ को अवस्थामा वर्षाले खेल रोकिएपछि नेपाल एक रनले पराजित भएको थियो ।
नेपालको प्लेइङ ११:
दीपक बोहरा, अर्जुन कुमाल, आकाश त्रिपाठी, देव खनाल, विशाल विक्रम केसी, मिलन बोहरा, दीपेश कँडेल, सुवास भण्डारी, आकाश चन्द, हेमन्त धामी र उत्तम थापामगर (विकेटकिपर)
