काठमाडौं । राष्ट्रियसभाको उपाध्यक्ष पदमा नेकपा (माओवादी केन्द्र) बाट उर्मिला अर्यालले उम्मेदवारी दर्ता गराएकी छन् ।
अर्यालले सत्ता गठबन्धनको तर्फबाट संघीय संसद सचिवालय नयाँ बानेश्वरस्थित अन्तर्राष्ट्रिय सम्मेलन केन्द्रको ल्होत्से हलमा पुगेर उम्मेदवारी दर्ता गरेकी हुन् । मनोनयनका लागि साँझसम्मको समय तोकिएको छ ।
माओवादीबाट अर्यालले उम्मेदवारी दिँदै गर्दा विपक्षमा रहेको नेपाली कांग्रेसले उम्मेदवारी नदिने निर्णय गरिसकेको छ । कांग्रेसले पनि अर्याललाई समर्थन गर्ने भएको छ । यससँगै उनी निर्विरोध निर्वाचित हुने भएकी छन् ।
