काठमाडौँ । नेकपा (माओवादी केन्द्र) ले छिट्टै विशेष महाधिवेशन गर्ने भएको छ । पार्टीको केन्द्रीय समितिको बैठकमा पार्टी अध्यक्ष पुष्पकमल दाहाल प्रचण्डले चाँडै विशेष महाधिवेशन गर्ने बताउनुभएको हो ।
उहाँले समाजवाद र त्यससम्बन्धी कार्यक्रम निर्माण तथा अन्य विषयमा गम्भीर छलफल गर्ने गरी छिट्टै विशेष महाधिवेशन गर्नुपर्ने आवश्यकता रहेको बताउनुभयो ।
गत पुस महिनामा पार्टीको आठौँ महाधिवेशन भएको थियो । यद्यपि महाधिवेशन भएको यतिका समयसम्म पनि पदाधिकारी, स्थायी कमिटी र पोलिटब्यूरो कमिटी बन्न सकेको छैन ।
जारी केन्द्रीय समितिको बैठकमा नेताहरुले ती कमिटीलाई पूर्णता दिन पार्टी अध्यक्ष प्रचण्डलाई आग्रह गरेका थिए ।
