काठमाडौँ । गोरखामा बस दुर्घटना हुँदा २० जना घाइते भएका छन् ।
बुधबार दिउँसो गोरखाको अजिरकोट गाउँपालिकास्थित भच्चेकतर्फ गइरहेको ना ५ ख ५३०५ नम्बरको नारायणी यातायातको यात्रुबहाक बस छोप्राकको राम्चेचौतारा नजिकै दुर्घटना भएको हो ।
दुर्घटनामा परेर २० जना यात्रु घाइते भएका छन् । बस सडकमा पल्टेको थियो ।
प्रहरीका अनुसार घाइतेमध्ये ७ जनालाई उपचारका लागि चितवन लगिएको छ भने बाँकी घाइतेको छेपेटारस्थित पृथ्वी सामुदायिक अस्पतालमा उपचार भइरहेको छ ।
