२३ चैत्र २०८१, आईतवार
,
Latest
जनसहभागिताबिनाका योजना सफल हुन सक्दैन: मुख्यमन्त्री पाण्डे तस्बिरमा हेर्नुस् रास्वपा केन्द्रीय परिषद्को राष्ट्रिय भेला समृद्ध मुलुक निर्माणका निम्ति प्रविधिको उपयोग अपरिहार्य छ: प्रधानमन्त्री बाहिरको प्रहार जति पनि खेप्छु, खेप्छौं, भित्रबाट प्रहार नगर्नुस् – रवि लामिछाने विद्युतीय जोखिम कम गर्न श्रमदानद्वारा झाडी हटाइँदै संविधान संशोधनको विषय मनोगत नभई वस्तुगत हुनुपर्छ: सभामुख घिमिरे (अन्तरवार्ता) मुस्ताङको पाक्लिङमा २० करोडको लागतमा गुम्बा निर्माण सुनको मूल्यमा सामान्य गिरावट गगनलाई रविको जवाफ: ‘प्रणाम छ भन्नुभएको रहेछ, मेरो पनि प्रणाम’ देशमा देखिएको समस्याहरुको मुल कारण नै संविधान होः अध्यक्ष लिङदेन

प्रिमियर लिगको अन्तिम खेल आजः उपाधि, शीर्ष चार र रेलिगेशन जोनमा कडा प्रतिस्पर्धा



अ+ अ-

एजेन्सी । विश्वकै प्रचिष्ठित फुटबल लिग इंग्लिस प्रिमियर लिगले आज राति २१/२२ सिजनको विजेता पाउँदैछ । उपाधिका लागि मात्र नरही शीर्ष चारमा रहेर च्याम्पियन्स लिग खेल्ने र रेलिगेशनबाट उत्रनका लागि पनि क्लबहरुबीच कडा प्रतिस्पर्धा हुँदैछ ।

लिग जित्न म्यानचेस्टर सिटी र लिभरपुल, युरोपेली च्याम्पियन्स लिग खेल्ने चौथो टिम बन्न टोटनहम र आर्सनल एवं अन्तिम रेलिगेसन पर्ने तेस्रो तथा अन्तिम टिम बर्नली कि लिड्स युनाइटेड को बन्नेछ भन्ने रोमाञ्चक क्षणको समाप्त आजै हुँदैछ ।

लिग लिडर सिटीले अन्तिम खेल १४ औं स्थानमा रहेको एस्टन भिल्लासँग खेल्दैछ । यो खेलमा जित निकालेमा सिटी च्याम्पियन बन्नेछ । अर्कोतर्फ दोस्रो स्थानमा रहेको लिभरपुलले आठौं स्थानमा रहेको वल्भ्सविरुद्ध खेल्दैछ । यदि सिटी एस्टन भिल्लासँग पराजित भएमा र लिभरपुलले वल्भ्सलाई हराएमा लिभरपुलले उपाधि उचाल्नेछ ।

यसैगरी, तालिकाको पुछारमा रहेको नर्वीचसँग टोटेनहमले प्रतिस्पर्धा गर्दैछ । पछिल्ला खेलहरुमा लयमा रहेको टोटेनहमलाई नर्वीचविरुद्ध जित निकाल्न त्यती कठिन भने देखिँदैन । यदि यो खेलमा टोटेनहम पराजित भएमा उता पाँचौं स्थानमा रहेको आर्सनलले १६ औं स्थानको एभर्टनलाई पराजित गरेमा आर्सनल शीर्ष चारमा उक्लनेछ र च्याम्पियन्स लिग खेल्नेछ ।

अर्को रोचक पक्ष भनेको रेलिगेशनमा बर्नले र लिड्स युनाइटेड को पर्नेछ भन्ने रहेको छ । दुबैको ३५ अंक रहेको छ । बर्नलेले न्युक्यासलसँग र लिड्सले ब्रेन्टफोर्डसँग खेल्दैछ ।

लिगमा गोल्डेन बुट जित्नमा पनि उत्तिकै प्रतिस्पर्धा रहेको छ । लिभरपुलका मोहमद सलाह र टोटनहमका सन हेउङ मिन प्रतिस्पर्धामा छन् । सलाहले २२ र सनले २१ गोल गरेका छन् ।