काठमाडौं । नेकपा बहुमतका संयोजक धर्मेन्द्र बास्तोलालाई प्रहरीले बुधबार पक्राउ गरेको छ । उनी बुधबार पोखराको एक कार्यक्रम सकेर नेपालगञ्ज जान लागेका बेला प्रहरीले दाङको भालुवाङबाट पक्राउ गरेको बताइएको छ ।
नेपालगञ्ज जाने क्रममा बास्तोलालाई प्रहरीले भालुवाङबाट पक्राउ गरेको सो पार्टीको नवौं महाधिवेसन आयोजक समितिका सदस्य दीपक चलाउनेले जानकारी दिए ।
चलाउनेका अनुसार बास्तोलाकी श्रीमती बिरामी रहेकाले नेपालगञ्जमा श्रीमतीलाई भेट्न जाँदै गर्दा भालुवाङबाट पक्राउ गरिएको हो ।
नेत्रविक्रम चन्द विप्लवको नेतृत्वमा रहेको नेपाल कम्युनिष्ट पार्टी हालैमात्र विभाजन भएको थियो र त्यसपछि बाँस्तोलाले आफ्नो संयोजकत्वमा नेकपा बहुमत गठन गरेका थिए ।
उनले हिजो पोखरामा निर्वाचन बहिस्कार गर्न आह्वान गर्दै सभा गरेका थिए । विप्लव नेतृत्वले स्थानीय तहको निर्वाचनमा सहभागी भएको छ भने वास्तोलाको नेतृत्वको नेकपा बहुमतले भने निर्वाचन बहिष्कार गरेको छ ।
