रूपन्देही । नेपाली कांग्रेसको १४ औं महाधिवेशनअन्तरगत केन्द्रीय समितिले जिल्लाका स्थानीय तहका लागि तोकेको अधिवेशन आजबाट कपिलवस्तुमा गाउँ र नगर समितिमा शुरू भएको छ । आज बिहानैदेखि निर्वाचन कार्यक्रम सुरु भएको हो ।
गाउँ र पालिका अधिवेशनको मतदाता नामावली मंगलबार नै जिल्ला पार्टी कार्यालयका प्रकाशन भइसकेको छ । कपिलबस्तुमा रहेको १० स्थानीय तहमध्ये ४ गाउँपालिका र ६ नगरपालिकामा एकैदिन निर्वाचन हुने निर्वाचन आयोगले जनाएको छ ।
सबै स्थानीय तहमा कांग्रेसका नेताले उम्मेदवारी घोषणा गरी चुनावी मैदानमा उत्रिएका छन् ।
