२३ चैत्र २०८१, आईतवार
,
Latest
जनसहभागिताबिनाका योजना सफल हुन सक्दैन: मुख्यमन्त्री पाण्डे तस्बिरमा हेर्नुस् रास्वपा केन्द्रीय परिषद्को राष्ट्रिय भेला समृद्ध मुलुक निर्माणका निम्ति प्रविधिको उपयोग अपरिहार्य छ: प्रधानमन्त्री बाहिरको प्रहार जति पनि खेप्छु, खेप्छौं, भित्रबाट प्रहार नगर्नुस् – रवि लामिछाने विद्युतीय जोखिम कम गर्न श्रमदानद्वारा झाडी हटाइँदै संविधान संशोधनको विषय मनोगत नभई वस्तुगत हुनुपर्छ: सभामुख घिमिरे (अन्तरवार्ता) मुस्ताङको पाक्लिङमा २० करोडको लागतमा गुम्बा निर्माण सुनको मूल्यमा सामान्य गिरावट गगनलाई रविको जवाफ: ‘प्रणाम छ भन्नुभएको रहेछ, मेरो पनि प्रणाम’ देशमा देखिएको समस्याहरुको मुल कारण नै संविधान होः अध्यक्ष लिङदेन

प्रिमियर लिग उपाधि दौड रोमाञ्चक, सिटी पुनः शीर्ष स्थानमा उक्लियो



अ+ अ-

यस सिजनको प्रिमियर लिगको दौड रोमाञ्चक हुनेक्रम जारी छ । समान खेल खेलेका म्यान्चेस्टर सिटी र लिभरपुलबीच १ अंकको मात्र फरक छ ।

अघिल्लो दिन म्यान्चेस्टर युनाइटेडलाई ४-० गोल अन्तरले पराजित गरेर लिभरपुल शीर्ष स्थानमा उक्ले पनि गएराति भएको खेलमा सिटीले ब्राइटनलाई हराएर फेरि शीर्ष स्थानमा उक्लिएको छ ।

बुधबार राति भएको खेलमा ब्राइटनलाई ३-० ले पराजित गर्दै सिटी शीर्ष स्थानमा उक्लेको हो । सिटीले लिभरपुललाई १ अंकले पछि पारेको छ ।

घरेलु मैदान एतिहाद रंगशालामा पहिलो हाफ गोलरहित बराबरीमा सकिएपनि सिटीले दोस्रो हाफमा तीन गोल गरेको हो । सिटीका लागि रियाद माहारेजले ६३औं, फिल फोडेनले ६५औं र बर्नार्डो शिल्भाले ८२औं मिनेटमा गोल गरे ।

जितपछि ३२ खेलबाट ७७ अंक जोडेर सिटी शीर्ष स्थानमा उक्लिएको छ । ३३ खेलबाट ४० अंक रहेको ब्राइटन १०औं स्थानमा छ ।

लिगअन्तर्गत नै शीर्ष चारको होडमा रहेको आर्सनलले लण्डन प्रतिद्वन्द्वी चेल्सीलाई ४-२ ले पराजित गरेको छ ।

एडी एनकेतिहले दुई गोल गरेपछि आर्सनलले चेल्सीलाई उसैको मैदानमा पराजित गरेको हो । एनकेतिहले १३औं र ५७औं मिनेटमा गोल गरे । यस्तै स्मिथ रोवले २७औं र बुकाया साकोले इन्जुरी टाइममा गोल गरे ।

चेल्सीका लागि टिमो वेर्नरले १७औं र सेजार एज्प्लिकुएटाले ३२औं मिनेटमा गोल गरे ।

जितपछि आर्सनलले चौथो स्थानको टोटनहम समान ५७ अंक जोडेको छ । तर गोलअन्तरमा पछि रहँदै पाँचौ स्थानमा छ । चेल्सी ३१ खेलबाट ६२ अंकसहित तेस्रो स्थानमा छ ।