२१ चैत्र २०८१, शुक्रबार
,
Latest
जनसहभागिताबिनाका योजना सफल हुन सक्दैन: मुख्यमन्त्री पाण्डे तस्बिरमा हेर्नुस् रास्वपा केन्द्रीय परिषद्को राष्ट्रिय भेला समृद्ध मुलुक निर्माणका निम्ति प्रविधिको उपयोग अपरिहार्य छ: प्रधानमन्त्री बाहिरको प्रहार जति पनि खेप्छु, खेप्छौं, भित्रबाट प्रहार नगर्नुस् – रवि लामिछाने विद्युतीय जोखिम कम गर्न श्रमदानद्वारा झाडी हटाइँदै संविधान संशोधनको विषय मनोगत नभई वस्तुगत हुनुपर्छ: सभामुख घिमिरे (अन्तरवार्ता) मुस्ताङको पाक्लिङमा २० करोडको लागतमा गुम्बा निर्माण सुनको मूल्यमा सामान्य गिरावट गगनलाई रविको जवाफ: ‘प्रणाम छ भन्नुभएको रहेछ, मेरो पनि प्रणाम’ देशमा देखिएको समस्याहरुको मुल कारण नै संविधान होः अध्यक्ष लिङदेन

इन्डियन पिमियर लिग आजदेखि, चेन्नाई र कोलकाताबीच पहिलाे खेल



इन्डियन प्रिमियर लिग (आइपिएल) २०२२
इन्डियन प्रिमियर लिग (आइपिएल) २०२२
अ+ अ-

भारतको बहुचर्चित क्रिकेट प्रतियोगिता इन्डियन प्रिमियर लिग (आइपिएल) आजदेखि शुरु हुँदैछ । सन् २०२२ को यस टी२० खेलमा विश्वका चर्चित खेलाडीको खेल कौशल हेर्न पाइने छ ।

पहिलो खेल गत वर्ष सन् २०२१ को विजेता चेन्नाइ सुपर किंग्स र कोलकाताबीच मुम्बईको वान्खडे रंगशालामा नेपाली समय अनुसार शनिबार साँझ ७.४५ बजे शुरु हुनेछ । यी दुबै टिमबीच गत वर्ष फाइनल भिडन्त भएको थियो ।

प्रतियोगितामा १० वटा टिमबीच प्रतिस्पर्धा हुनेछ । यस वर्ष लखनऊ सुपर जाइन्ट्स र गुजरात टाइटन्स नयाँ टिमका रुपमा खेलमा समावेश गरिएका छन् ।

यस वर्षका टिमहरु
१. मुम्बई इन्डियन्स
२. रोयल च्यालेन्जर्स बैंगलोर (आरसिबी)
३. लखनऊ सुपर जाइन्ट्स
४. सनराइजर्स हैदराबाद ( एसआरएच )
५. राजस्थान रोयल्स
६. दिल्ली क्यापिटल्स
७. चेन्नाई सुपर किंग्स
८. पंजाब किंग्स
९. कोलकाता नाइट राइडर्स
१०. गुजरात टाइटन्स

चेन्नाई सुपर किंग्सबाट यस पटक महेन्द्र सिंह धोनीले कप्तानी छाडेका छन् । उनको साटो टिमको कप्तानी रबिन्द्र जडेजाले गर्दैछन् तर धोनीले विकेट किपर, व्याट्सम्यानको भूमिका निर्वाह गर्नेछन् ।

गत वर्ष निकै प्रभावशाली खेल प्रस्तुत गरेको दिल्ली क्यापिटल्सको कप्तानी रिसभ पन्तले पाएका छन् । डेभिड वार्नर समेतका खेलाडी रहेकाले यस वर्ष पनि दिल्लीको खेल निकै रोचक हुने अनुमान गर्न सकिन्छ ।

नवप्रवेशी गुजरात टाइटन्सको कप्तान हार्दिक पान्ड्याले गरेका छन् । यस टिममा वरुन आरोन, लकी फर्गुसन, डेभिड मिलर, मोहम्मद सामी, शुभमन गिल, म्याथ्यु वेड जस्ता प्रतिभाशाली खेलाडी छन् ।

अर्को नवप्रवेशी लखनउमा के एल राहुलले कप्तानी गरेका छन् । यस टिममा क्वीन्टन डि कक, दीपक हूडा, क्रुनाल पान्ड्या, रबी बिस्नोई, मार्क उड जस्ता खेलाडी छन् ।