१८ बैशाख २०८२, बिहीबार
,
Latest
जनसहभागिताबिनाका योजना सफल हुन सक्दैन: मुख्यमन्त्री पाण्डे तस्बिरमा हेर्नुस् रास्वपा केन्द्रीय परिषद्को राष्ट्रिय भेला समृद्ध मुलुक निर्माणका निम्ति प्रविधिको उपयोग अपरिहार्य छ: प्रधानमन्त्री बाहिरको प्रहार जति पनि खेप्छु, खेप्छौं, भित्रबाट प्रहार नगर्नुस् – रवि लामिछाने विद्युतीय जोखिम कम गर्न श्रमदानद्वारा झाडी हटाइँदै संविधान संशोधनको विषय मनोगत नभई वस्तुगत हुनुपर्छ: सभामुख घिमिरे (अन्तरवार्ता) मुस्ताङको पाक्लिङमा २० करोडको लागतमा गुम्बा निर्माण सुनको मूल्यमा सामान्य गिरावट गगनलाई रविको जवाफ: ‘प्रणाम छ भन्नुभएको रहेछ, मेरो पनि प्रणाम’ देशमा देखिएको समस्याहरुको मुल कारण नै संविधान होः अध्यक्ष लिङदेन

बुद्ध मन लिएर अगाडी बढौ: खनाल



अ+ अ-

काठमाडौँ, भदौ ११। पूर्वप्रधानमन्त्री एवम् नेकपा (एमाले)का वरिष्ठ नेता झलनाथ खनालले टीकापुर घटना निन्दनीय, बर्बर र नृशंस भएको भन्दै अहिलेको कठिन अवस्थामा बुद्ध मन लिएर अगाडि बढ्न सके मात्र शान्तिपूर्ण समाजको परिकल्पना गर्न सकिने बताउनुभएको छ ।
उहाँले मुलुकमा स्थापित लोकतान्त्रिक गणतन्त्रलाई पल्टाउन सामन्तवादी शक्ति सल्बलाएको बताउँदै यथाशीघ्र संविधान जारी गर्न सबै दल एकजुट हुनुपर्छ भन्नुभयो ।

राजतन्त्र कुनै हालतमा नफर्कने, संविधानमा महिला, मुस्लिम, थारू, श्रमिक सबैको अधिकार सुनिश्चित गर्नुपर्ने, बागलुङ र रुकुमको समस्या समाधानमा दल एकमत हुनुपर्नेमा जोड दिँदै पूर्वप्रधानमन्त्री खनालले संविधान सहमतिको दस्तावेज रहेको उल्लेख गर्नुभयो ।

सभासद् प्रकाशशरण महतले टीकापुर घटना अमानवीय, क्रूर र निन्दनीय रहेको भन्दै सबै जातजातिको अलगअलग राज्य हुन नसक्ने बताउनुभयो ।

सभासद् जनार्दन शर्माले टीकापुरको घटना निन्दनीय भएको बताउँदै जनतालाई कसैको हठमा नलाग्न आग्रह गर्नुका साथ कर्णालीको अधिकार सुनिश्चित गर्नुपर्नेमा जोड दिनुभयो ।

सभासद् दिलनाथ गिरीले नेपाली जनताले अपनत्व गर्न सक्ने प्रकृतिको संविधान जारी हुनुपर्ने, सभासद् जनकराज चौधरीले दलित र महिला, मुस्लिम पिछडिएको वर्ग सबैको हित हुने संविधान जारी हुनुपर्ने र सभासद् राजेन्द्रसिंह श्रेष्ठले वंशजका हिंसाले नागरिकता पाउनुपर्ने माग गर्नुभयो । नेपालको संविधानको परिमार्जित विधेयक, २०७२ माथि विचार गरियोस् भन्ने प्रस्तावमाथिको छलफल जारी छ । रासस