२३ चैत्र २०८१, आईतवार
,
Latest
जनसहभागिताबिनाका योजना सफल हुन सक्दैन: मुख्यमन्त्री पाण्डे तस्बिरमा हेर्नुस् रास्वपा केन्द्रीय परिषद्को राष्ट्रिय भेला समृद्ध मुलुक निर्माणका निम्ति प्रविधिको उपयोग अपरिहार्य छ: प्रधानमन्त्री बाहिरको प्रहार जति पनि खेप्छु, खेप्छौं, भित्रबाट प्रहार नगर्नुस् – रवि लामिछाने विद्युतीय जोखिम कम गर्न श्रमदानद्वारा झाडी हटाइँदै संविधान संशोधनको विषय मनोगत नभई वस्तुगत हुनुपर्छ: सभामुख घिमिरे (अन्तरवार्ता) मुस्ताङको पाक्लिङमा २० करोडको लागतमा गुम्बा निर्माण सुनको मूल्यमा सामान्य गिरावट गगनलाई रविको जवाफ: ‘प्रणाम छ भन्नुभएको रहेछ, मेरो पनि प्रणाम’ देशमा देखिएको समस्याहरुको मुल कारण नै संविधान होः अध्यक्ष लिङदेन

महारेजको गोलले सिटी शीर्ष स्थानमा, लोपेटेगुई बर्खास्त



अ+ अ-

रियाद महारेजको एक मात्र गोलको मद्दतले म्यान्चेस्टर सिटीले टोटनहम हटस्पर्सलाई पराजित गर्दै प्रिमियर लिगको शीर्ष स्थानमा पुनः कब्जा जमाएको छ ।

लेस्टर सिटीका पूर्व फरवार्ड महारेजले खेलको छैटौँ मिनेटमा रहिम स्टर्लिङको क्रसलाई गोलमा परिणत गरेका थिए ।

उनले आफ्नो गोल हालै हेलिकप्टर दुर्घटनामा ज्यान गुमाएका लेस्टरका मालिक भिचाई श्रीभधानाप्रभालाई समर्पित गरेका थिए ।

खेलको दोस्रो हाफमा डेभिड सिल्भा र स्टर्लिङले गोलको अवसर गुमाए भने स्पर्सका गोल किपर ह्युगो लोरिसले सर्जियो एगुएरोको दुईवटा प्रहार बचाउ गरे ।

जीतसँगै १० खेलपछि सिटीको २६ अंक रहेको छ । लिभरपुलको समान अंक भए पनि गोल अन्तरको आधारमा सिटीले शीर्ष स्थानमा उछिनेको हो ।

यता, टोटनहम भने पाँचौ स्थानमा सिमित रहेको छ ।

रियल म्याड्रिडका प्रशिक्षक जुलेन लोपेटेगुई बर्खास्त

टीमको नेतृत्व सम्हालेको चार महिनामा नै रियल म्याड्रिडले जुलेन लोपेटेगुईलाई प्रशिक्षकको पदबाट बर्खास्त गरेको छ ।

जिनेदिन जिदानको बाहिरिगमनसँगै स्पेनिस प्रशिक्षकले गत जुनमा रियलको नेतृत्व सम्हालेका थिए ।

तर, आइतबार एल क्लासिकोमा बार्सिलोनासँग ५–१ को लज्जास्पद पराजय बेहोर्दा रियलले पछिल्ला ६ मध्ये पाँच खेलमा हार बेहोर्न पुगेको थियो ।

पराजयपछि लगातार तीन पटकको च्याम्पियन्स लिग विजेता रियल ला लिगामा नवौँ स्थानमा सिमित बनेको छ । सन् २००१–०२ पछि रियलको सबैभन्दा खराब शुरुवात हो ।

उनको स्थानमा तत्काललाई रियलको बी टिमका प्रशिक्षक तथा पूर्व खेलाडी स्यान्टियागो सोलारीले जिम्मेवारी सम्हाल्नेछन् ।

लोपेटेगुईले सोमबार पनि प्रशिक्षण गराए पनि बोर्ड बैठकले उनको भाग्य तय गरेको थियो ।

यो वर्ष लोपेटेगुई दुई पटक बर्खास्तीमा परेका हुन् । यसअघि उनलाई स्पेनको राष्ट्रिय टोलीबाट बर्खास्त गरिएको थियो ।

रियलले एक व्यक्ति जारी गर्दै ‘रियल म्याड्रिडको स्टाफको गुण र हालसम्म प्राप्त नतिजामा असंगती देखिएको’ बताएको छ ।

सन् २०१८ को बालोन डि’ओर का लागि गरिएको सर्टलिस्टमा रियलका चार खेलाडी समावेश छन् ।

रियलले बुरधबार स्पेनिस कपमा डिभिजन बी टोली मेलिलाबिरुद्ध खेल्नेछ ।

को आउँला रियलको हटसिटमा ?

लोपेटेगुईको स्थानमा चेल्सीका पूर्व प्रशिक्षक एन्टोनियो कोन्टेले सम्हाल्ने सम्भावना रहेको छ ।

तर, रियल र कोन्टेबीचको छलफलमा ब्रेक लागेको समाचार बाहिर आएका छन् ।

कोन्टेले रियलले खर्च गर्न चाहेको भन्दा बढी रकम माग गरेको कारण करारमा समस्या देखिएको बताइएको छ ।

यता, कप्तान सर्जियो रामोश पनि कोन्टेप्रति सकारात्मक छैनन् ।

त्यही भएर रियलका चर्चित पूर्व खेलाडी सोलारीले तत्कालका लागि सिनियर टीमको जिम्मेवारी पाएका हुन्, जसरी यसअघि जिनेदिन जिदानले पाएका थिए ।

सन् २०१६ को जनवरीमा राफायल बेनिटज बर्खास्तीमा परेपछि जिदानले रियललाई लगातार तीन च्याम्पियन्स लिगको उपाधि दिलाउँदै गत मेमा पदबाट राजीनामा दिएका थिए ।