गिनिज बुक अफ वर्ल्ड रेकर्डमा आफूलाई दर्ज गर्नका लागि मानिसहरु केसम्म गर्न पछि पर्दैनन् रु जो कोहीले पनि विश्व कीर्तिमानी बन्नका लागि कुनै कसर बाँकी राख्ने कुरै भएन ।
यो वर्ष सन् २०१८ मा पनि दुनियाँमा कैयन् मानिसहरुले अनेक खालका नयाँ कृत्य गरेर वा आफ्नो अनौठो खुबीका कारण गिनिज बुकमा नाम लेखाउन सफल भए । तीमध्येका केही रोचक विश्व कीर्तिमान यस्ता छन्ः
· विश्वमा सबैभन्दा लामो खुट्टा भएकी महिलाको कीर्तिमान रुसकी एकातेरिना लिसिनाले राखेकी छिन् । उनको बायाँ खुट्टाको लम्बाई १३२.८ सेमी र दायाँ खुट्टाको लम्बाई १३२.२ सेमी छ ।
· यो दुनियाँमा लामा परेलाका कारण पनि मान्छेले कीर्तिमान राखेका छन् । चीनकी यू जियांक्सिया विश्वमा सबैभन्दा लामा परेला भएकी महिला हुन् । उनका परेलाको लम्बाई सन् २०१६ मै १२.४ सेमी थियो, जुन अहिले झनै लामो भएका छन् ।
· अमेरिकाकी आयना विलियम विश्वमा सबैभन्दा लामो नङ भएकी महिला हुन् । उनको सबैभन्दा लामो नङको लम्बाई १०.९ इन्च छ ।
· तपाइँलाई कसैले मुखले बेलुन फुलाउन दियो भने एकदुईवटा फुलाएरै थाक्नुहुनछ होला । तर अमेरिकाको कोलोराडोमा बस्ने हन्टर इवनले चाहीँ आफ्नो मुखले लगातार ९ सय १० वटा बेलुन फुकेर विश्व कीर्तिमान राखेका छन् ।
· अमेरिकाका बेनी हार्लेमले सबैभन्दा अग्लो कपालको जुरो बनाएर विश्व कीर्तिमान कायम गरे । उनको कपालको जूरोको उचाई ५२ सेन्टिमिटर छ ।
· पालो ग्याब्रियल र सिल्भा बोरास विश्वका सबैभन्दा होचो कदका दम्पत्ति हुन् । दुबैको उचाई जोड्ने हो भने जम्मा १८१।४१ सेन्टिमिटर छ । उनीहरुले सन् २०१६ मा बिहे गरेका थिए ।
· बेल्जियमका एकजना इन्जिनियर जेफ पिटर्सले विश्वकै सबैभन्दा गह्रौँ साइकल बनाएर विश्व किर्तिमान कायम गरेका छन् । उनले बनाएको साइकल ८ सय ६० किलोको छ ।
· अमेरिकाका जिम एरिंगटन विश्वमा सबैभन्दा वृद्ध बडी विल्डर हुन् । उनको उमेर ८४ वर्षको छ । उनी पछिल्लो ७० वर्षदेखि लगातार बडी विल्डिङ प्रतियोगितामा भिड्दै आएका छन् ।
एजेन्सी
