नयाँ वर्ष सन् २०१९ सुरु भइसकेको छ र यो वर्ष पनि विश्वका चर्चित स्मार्टफोन कम्पनीहरुले आफ्ना नयाँ प्रडक्ट सार्वज्निक गर्ने तयारीमा जुटिसकेका छन् ।
यसको अर्थ स्मार्टफोन प्रयोगकर्ताहरुले यो वर्ष पनि स्मार्टफोन उद्योगमा नयाँ प्रविधि, अन्वेषण तथा फिचरहरु देख्न पाउनेछन् ।
यो वर्ष बजारमा आउने उल्लेखनीय स्मार्टफोन यी हुनेछन्ः
· सामसुङको ग्यालेक्सी एस १० प्लस स्मार्टफोन आगामी फेब्रुअरीमा हुने मोबाइल वल्र्ड कंग्रेसका आसपासमा सार्वजनिक हुने अनुमान गरिएको छ ।
· त्यस्तै सामसुङले आफ्नो ग्यालेक्सी नोट १० स्मार्टफोन पनि यो वर्ष सार्वजनिक गर्नेछ । आगामी अगष्टमा सामसुङले यो फ्याब्लेट सार्वजनिक गर्नेछ ।
· गुगल पिक्सेल फोरस् गुगलले आगामी अक्टोबरमा आफ्नो फ्लागसीप स्मार्टफोन पिक्सेल फोर बजारमा ल्याउने योजना बनाएको छ ।
· नोकिया नाइनस् नोकियाको नोकिया नाइन स्मार्टफोन मार्च महिनामा लञ्च हुने अपेक्षा गरिएको छ । नोकिया नाइनको मुख्य विशेषता भनेको यसको पछाडिको भागमा ५ वटा क्यामरा हुनेछन् भने अगाडि एउटा सेल्फी क्यामेरा ।
· सामसुङले आगामी मार्चमा पहिलोपटक फोल्डेबल स्क्रिन भएको स्मार्टफोन सार्वजनिक गर्ने अपेक्षा गरिएको छ । उक्त स्मार्टफोनको नाम ग्यालेक्सी एक्स रहन सक्ने अड्कल काटिएको छ ।
· चिनिया कम्पनी शाओमी आफ्नो रेडमी नोट सेभेन प्रो स्मार्टफोन यो वर्ष ल्याउनेछ ।
· पछिल्लो समय चर्चा र विवादमा रहेको चिनिया कम्पनी हुवावेले यो वर्ष पी ३० प्रो स्मार्टफोन ल्याउनेछ ।
· वन प्लसले आफ्नो पहिलो फाइभ जी टेक्नोलोजीमा आधारित स्मार्टफोन यो वर्ष ल्याउनेछ ।
· एलजीले यो वर्ष एलजी जी एट थिन क्यू स्मार्टफोन सार्वजनिक गर्ने तयारी गरेको छ । आगामी जून महिनामा यो स्मार्टफोन बजारमा आउनेछ ।
· हुवावेले पनि आफ्नो पहिलो फोल्डेबल डिस्प्ले भएको स्मार्टफोन यो वर्ष ल्याउने अपेक्षा गरिएको छ ।
एजेन्सी
