२२ चैत्र २०८१, शनिबार
,
Latest
जनसहभागिताबिनाका योजना सफल हुन सक्दैन: मुख्यमन्त्री पाण्डे तस्बिरमा हेर्नुस् रास्वपा केन्द्रीय परिषद्को राष्ट्रिय भेला समृद्ध मुलुक निर्माणका निम्ति प्रविधिको उपयोग अपरिहार्य छ: प्रधानमन्त्री बाहिरको प्रहार जति पनि खेप्छु, खेप्छौं, भित्रबाट प्रहार नगर्नुस् – रवि लामिछाने विद्युतीय जोखिम कम गर्न श्रमदानद्वारा झाडी हटाइँदै संविधान संशोधनको विषय मनोगत नभई वस्तुगत हुनुपर्छ: सभामुख घिमिरे (अन्तरवार्ता) मुस्ताङको पाक्लिङमा २० करोडको लागतमा गुम्बा निर्माण सुनको मूल्यमा सामान्य गिरावट गगनलाई रविको जवाफ: ‘प्रणाम छ भन्नुभएको रहेछ, मेरो पनि प्रणाम’ देशमा देखिएको समस्याहरुको मुल कारण नै संविधान होः अध्यक्ष लिङदेन

कोपा डेल रे : बार्सिलोना र सेभिल्लाको निर्णायक भिडन्त, हराउने दाउमा सेभिल्ला



अ+ अ-

काठमाडौं । स्पेनको नकआउट क्लब फुटबल प्रतियोगिता कोपा डेल रे कपमा साबिक विजेता बार्सिलोना र उपविजेता सेभिल्लाको खेल हुदैछ । खेल नेपाली समय अनुसार आज राति २ः१५ बजे बार्सिलोनाको घरेलु मैदान क्याम्प नोउमा सुरु हुनेछ ।

प्रतियोगिताको अन्तिम आठअन्तर्गत आज दोस्रो लेगको निर्णायक खेल हुन लागेको हो । पहिलो लेगमा बार्सिलोनाले सेभिल्लालाई उस्कै घरमा २–० ले पराजित गरेको थियो ।

पहिलो लेगमा २ गोलले पछि परेको सेभिल्लाले आज बदला लिन सक्छ । भने बार्सिलोनाले पुनः उत्कृष्ट खेल देखाउने मौका पाएको छ । सेमिफाइनल पुग्न आज सेभिल्लाले खेल ३–० ले जित्नु पर्ने छ । भने बार्सिलोनाले बराबरी खेलेमा मात्र पनि काफि हुने छ ।

लेगको पहिलो खेलमा कप्तान लियोनल मेस्सी,लुइस स्वारेज र फिलिपे कोउटिन्होलगायत खेलाडीलाई आराम दिईएको थियो ।

तर, आजको खेलमा प्रशिक्षक अर्नेस्टो भाल्भर्डेले सेभिल्लाविरुद्ध आफ्ना पहिलो रोजाइका खेलाडी मैदान उतार्ने तयारी गरेका छन् । खेलअघिको पत्रकार सम्मेलनमा बोल्दै उनले यो खेल फाइनल सरह रहेको बताउँदै कुनै गल्ती नगर्ने बताएका छन् ।

आजको खेलमा बार्सिलोनाका कप्तान लियोनल मेस्सी र लुइस स्वारेज सुरुवाती टोलीमा हुनेछन्