वीरगञ्ज । जलाउन लैजाँदै गर्दा एक महिलाको शव परिवारकै सदस्यबाट हत्या भएको आशंकामा प्रहरीले नियन्त्रणमा लिएको छ ।
वीरगञ्ज महानगरपालिका वडा २३ प्रसौनीविर्ताबाट प्रहरीले अन्दाजी २९ बर्षीया अञ्जुदेवीको शव नियन्त्रणमा लिएको हो ।
अञ्जुदेवीको शव जलाउन सिर्सिया खोला किनारस्थित गैया घाटमा लैजादै गरेको अवस्थामा प्रहरीले नियन्त्रणमा लिएको जिल्ला प्रहरी कार्यालय पर्साका प्रवक्ता प्रहरी नायब उपरीक्षक अनन्तराम शर्माले बताए ।
प्रहरी पुग्ने वित्तिकै जलाउन लगेको रहेको शव छोडेर मलामी भागेकोले घटना शंकास्पद रहेको उनले बताए ।
