काठमाडौं। बार्सिलोनाका कप्तान लियोनेल मेस्सीले ६०० औँ गोल पूरा गरेका छन् । बुधबार राति भएको च्याम्पियनस लिगको सेमिफाइनलको पहिलो खेलमा दुई गोल गरेसँगै मेस्सीले बार्सिलोना क्लबको लागि ६०० औं गोल पूरा गरेका हुुन् ।
च्याम्पियनस लिग अन्तरग बुधबार राति भएको खेलमा बार्सिलोनाले ३(० गोल अन्तरको शानदार जित निकालेको थियो । बार्सिलोनालाई शानदार जित दिलाउनका लागि कप्तान मेस्सीले दुई गोल गरे भने थप एक गोल लुइस स्वारेजले गरे ।
सन् २००४ देखि बार्सिलोनाको सिनियर टोलीबाट खेलिरहेका ३१ वर्षिय मेस्सीले १५ वर्षको अन्तरालमा ६०० गोल पूरा गरेका हुन् । उनले हालसम्म बार्सिलोनाबाट जम्मा ६८३ खेल खेलेका छन् ।
मेस्सी बार्सिलोनाका सर्वाधिक गोलकर्ता र असिस्टकर्ता खेलाडी हुन् । त्यत्ति मात्रै हैन, उनी बार्सिलोनाका लागि सबैभन्दा बढी उपाधि जित्ने खेलाडी पनि हुन् ।
