२२ चैत्र २०८१, शनिबार
,
Latest
जनसहभागिताबिनाका योजना सफल हुन सक्दैन: मुख्यमन्त्री पाण्डे तस्बिरमा हेर्नुस् रास्वपा केन्द्रीय परिषद्को राष्ट्रिय भेला समृद्ध मुलुक निर्माणका निम्ति प्रविधिको उपयोग अपरिहार्य छ: प्रधानमन्त्री बाहिरको प्रहार जति पनि खेप्छु, खेप्छौं, भित्रबाट प्रहार नगर्नुस् – रवि लामिछाने विद्युतीय जोखिम कम गर्न श्रमदानद्वारा झाडी हटाइँदै संविधान संशोधनको विषय मनोगत नभई वस्तुगत हुनुपर्छ: सभामुख घिमिरे (अन्तरवार्ता) मुस्ताङको पाक्लिङमा २० करोडको लागतमा गुम्बा निर्माण सुनको मूल्यमा सामान्य गिरावट गगनलाई रविको जवाफ: ‘प्रणाम छ भन्नुभएको रहेछ, मेरो पनि प्रणाम’ देशमा देखिएको समस्याहरुको मुल कारण नै संविधान होः अध्यक्ष लिङदेन

अमेरिकामाथि एकतर्फी जित निकाल्दै इंग्ल्यान्ड टी–२० विश्वकपको सेमिफाइनलमा



अ+ अ-

काठमाडौँ । साविक विजेता इंग्ल्यान्ड टी–२० विश्वकपको सेमिफाइनलमा प्रवेश गरेको छ । इंग्लिस टोली एकतर्फी खेलमा अमेरिकालाई १० विकेटले पराजित गर्दै शीर्ष ४ मा पुगेको हो ।

सेमिफाइनलमा स्थान बनाउने इंग्ल्यान्ड पहिलो टोली बनेको छ । ब्रिजटाउनमा इंग्ल्यान्डले सेमिफाइनलमा पुग्न १८.४ ओभरमा ११६ रनको लक्ष्य पछ्याउनुपर्ने भएपनि डिफेन्डिङ च्याम्पियनले कुनै विकेट नगुमाई ९.४ ओभरमा नै जित हात पारेको थियो ।

इंग्ल्यान्डका फास्ट बलर क्रिस जोर्डनले तीन बलमा तीन विकेट लिएर ह्याट्रिक पूरा गरे । जोर्डन टी–२० ढाँचामा ह्याट्रिक पूरा गर्ने पहिलो इङ्ल्यान्ड बलर बनेका छन् । उनीअघि इङ्ल्यान्डका कुनै पनि खेलाडीले यो उपलब्धि हासिल गर्न सकेका थिएनन् ।

अमेरिकाका लागि नितिष कुमारले ३०, कोरी एन्डरसनले २९, हरमित सिंहले २१, स्टीभन टेलरले १२ रन जोडे । अमेरिकालाई सस्तैमा सिमित गराउन इंग्ल्यान्डका क्रिस जोर्डनले ह्याट्रिकसहित ४, साम करन र आदिल रासिदले २–२ तथा रिस टोपेल र लियाम लेभिङस्टनले १–१ विकेट लिए ।

अमेरिकाले आफ्नो छैटौं विकेट ११५ रनमा गुमायो, तर त्यसपछि टोलीले एक रन जोड्न सकेन र अर्को पाँच विकेट बिना कुनै रन गुमायो । टी–२० मा कुनै टोलीले एउटै स्कोरमा पाँच विकेट गुमाएको यो तेस्रो पटक हो । यसअघि पाकिस्तानले सन् २०१० मा अष्ट्रेलिया र केन्याले २०२२ मा मालीविरुद्ध गरेको थियो ।

इंग्ल्यान्डलाई सहज जित दिलाउन कप्तान जोस बटलरले ३८ बलमा ८३ रनसहित अविजित रहे । उनले ६ चौका र ७ छक्का प्रहार गरे । यस्तै, फिल साल्ट २१ बलमा २५ रनमा अविजित रहे ।