२२ चैत्र २०८१, शनिबार
,
Latest
जनसहभागिताबिनाका योजना सफल हुन सक्दैन: मुख्यमन्त्री पाण्डे तस्बिरमा हेर्नुस् रास्वपा केन्द्रीय परिषद्को राष्ट्रिय भेला समृद्ध मुलुक निर्माणका निम्ति प्रविधिको उपयोग अपरिहार्य छ: प्रधानमन्त्री बाहिरको प्रहार जति पनि खेप्छु, खेप्छौं, भित्रबाट प्रहार नगर्नुस् – रवि लामिछाने विद्युतीय जोखिम कम गर्न श्रमदानद्वारा झाडी हटाइँदै संविधान संशोधनको विषय मनोगत नभई वस्तुगत हुनुपर्छ: सभामुख घिमिरे (अन्तरवार्ता) मुस्ताङको पाक्लिङमा २० करोडको लागतमा गुम्बा निर्माण सुनको मूल्यमा सामान्य गिरावट गगनलाई रविको जवाफ: ‘प्रणाम छ भन्नुभएको रहेछ, मेरो पनि प्रणाम’ देशमा देखिएको समस्याहरुको मुल कारण नै संविधान होः अध्यक्ष लिङदेन

अफगानिस्तानले अष्ट्रेलियालाई हरायो



अ+ अ-

काठमाडौँ । टी–२० विश्वकप अन्तर्गत सुपर ८ को खेलमा अफगानिस्तानले अष्ट्रेलियालाई पराजित गरेको छ ।

भर्खरै सम्पन्न खेलमा अफगानिस्तानले अष्ट्रेलियामाथि २१ रनको ऐतिहासिक जित निकालेको हो । १४९ रनको लक्ष्य पछ्याएको अष्ट्रेलिया १९.२ ओभरमा १२७ रनमा अलआउट भयो ।

उसका लागि ग्लेन म्याक्सवेलले ५९ रनको अर्धशतकीय इनिङ्स खेल्दा अन्य ब्याट्सम्यान फ्लप सावित भए । मिचेल मार्सले १२, मार्कुस स्टोइनिसले ११, आडम जाम्पाले ९, माथ्यु वेड र जोस हेजलवुडले ५–५, प्याट कमिन्स र डेभिड वार्नरले ३–३ रनमात्रै बनाए ।

अफगानिस्तानलाई जित दिलाउन गुलबादिन नइबले ४ तथा नवीन उल हकले ३ विकेट लिए । यस्तै, अजमातुल्लाह ओमारजाई, मोहम्मब नाबी र रासिद खानले १–१ सफलता हात पारे ।

त्यसअघि सेन्ट भिन्सेन्टको आर्नोस भेल स्टेडियममा टस हारेर ब्याटिङ थालेको अफगानिस्तानले २० ओभरमा ६ विकेट गुमाएर १४८ रन जोड्यो ।

उसका लागि ओपनरद्वय रहमानुल्लाह गुरबाजले ४९ बलमा ६० तथा इब्राहिम जाद्रानले ४८ बलमा ५१ रनको अर्धशतकीय इनिङ्स खेले । यस्तै, करिम जनतले १३ रन जोडे ।

बलिङतर्फ अष्ट्रेलियाका लागि प्याट कमिन्सले ह्याट्रिकसहित ३ विकेट लिए । उनले १९ औं ओभरमा ह्याट्रिक लिएका हुन् । उनको यो लगातार दोस्रो ह्याट्रिक हो । यसअघि बंगलादेशसँगको खेलमा पनि कमिन्सले ह्याट्रिक लिएका थिए ।

यस्तै, आडम जाम्पाले २ तथा मार्कुस स्टोइनिसले १ विकेट लिए ।

जितसँगै ग्रुप १ को अंकतालिका रोमाञ्चक बनेको छ । २ खेलबाट भारत ४ अंकसहित शीर्षस्थानमा छ भने अष्ट्रेलिया २ अंकसहित दोस्रो र अफगानिस्तान २ अंकसहित तेस्रो स्थानमा छ । अंकविहिन बंगलादेश पुछारमा छ ।