काठमाडौँ । नेपाली लेग स्पिनर सन्दीप लामिछाने टी–२० विश्वकपमा सहभागी हुने भएका छन् ।
नेपाल क्रिकेट संघ (क्यान)का अनुसार वेस्ट इन्डिजमा हुने खेलहरूमा सन्दीप समावेश हुने भएका हुन् ।
प्रतिश जिसीलाई ट्राभलिङ रिजर्भमा राख्दै सन्दीपलाई विश्वकप खेल्ने १५ जनाको टोलीमा समावेश गरिएको क्यानका सचिव पारस खड्काले जानकारी दिए ।
सन्दीप गत मे १६ तारिखदेखि नै नेपालको अफिसियल स्वाडमा रहेको तर अमेरिकाले भिसा नदिएको क्यानले विज्ञप्तीमार्फत जनाएको छ ।
योसँगै वेस्ट इन्डिजमा हुने दक्षिण अफ्रिका र बंगलादेशविरुद्धको दुई खेलमा उनी सहभागी हुने भएका छन् ।
