१९ बैशाख २०८२, शुक्रबार
,
Latest
जनसहभागिताबिनाका योजना सफल हुन सक्दैन: मुख्यमन्त्री पाण्डे तस्बिरमा हेर्नुस् रास्वपा केन्द्रीय परिषद्को राष्ट्रिय भेला समृद्ध मुलुक निर्माणका निम्ति प्रविधिको उपयोग अपरिहार्य छ: प्रधानमन्त्री बाहिरको प्रहार जति पनि खेप्छु, खेप्छौं, भित्रबाट प्रहार नगर्नुस् – रवि लामिछाने विद्युतीय जोखिम कम गर्न श्रमदानद्वारा झाडी हटाइँदै संविधान संशोधनको विषय मनोगत नभई वस्तुगत हुनुपर्छ: सभामुख घिमिरे (अन्तरवार्ता) मुस्ताङको पाक्लिङमा २० करोडको लागतमा गुम्बा निर्माण सुनको मूल्यमा सामान्य गिरावट गगनलाई रविको जवाफ: ‘प्रणाम छ भन्नुभएको रहेछ, मेरो पनि प्रणाम’ देशमा देखिएको समस्याहरुको मुल कारण नै संविधान होः अध्यक्ष लिङदेन

टी–२० विश्वकपः सुपर ओभरमा पुगेको खेलमा नामिबियाले ओमानलाई ११ रनले हरायो



अ+ अ-

काठमाडौँ । अमेरिका र वेस्ट इन्डिजमा संयुक्त रुपमा आयोजित टी–२० विश्वकपमा नामिबियाले विजयी सुरुवात गरेको छ । भर्खरै सम्पन्न सुपर ओभरमा पुगेको खेलमा नामिबियाले ओमानलाई ११ रनले हराउँदै विजयी सुरुवात गरेको हो ।

सुपर ओभरमा नामिबियाले दिएको २२ रनको लक्ष्य पछ्याएको ओमानले १० रनमात्रै जोड्यो ।

ओमानले दिएको ११० रनको लक्ष्य पछ्याएको नामिबियाले २० ओभरमा ६ विकेट गुमाएर १०९ रन जोडेपछि खेल टाई भएर सुपर ओभरमा गएको थियो ।

नामिबियाका लागि जान फ्रिलिङ्कले ४५, निको डेभिनले २४, जेरहार्ड इरासमसले १३ रन जोड्दा अन्य ब्याट्सम्यानले दोहोरो अंकमा रन बनाउन सकेनन् ।

बलिङतर्फ ओमानका मेहरान खानले ३ ओभरमा ७ रनमात्रै खर्चेर ३ विकेट लिए । यस्तै, बिलाल खान, आयान खान र अकिब इलियासले १–१ विकेट लिए ।

त्यसअघि केनसिङ्टन ओभल वार्वाडोस मैदानमा टस हारेर पहिले ब्याटिङ थालेको ओमानको टोली १९.४ ओभरमा १०९ रनमा अलआउट भयो । खालिद काइलले ३४, जिसन मकसुदले २२, आयान खानले १५, सकिल अहमदले ११ रन जोड्दा अन्य ब्याट्सम्यानले दोहोरो अंकमा रन बनाउन सकेनन् ।

नामिबियाका रुवेन ट्रम्पेलम्यानले ४, डेभिड वाइजले ३, जेरहार्ड इरामसले २ तथा बर्नार्ड स्कोल्ट्जले १ विकेट लिए ।