काठमाडौँ । नेपाली बजारमा शुक्रबार सुनको मूल्य १८ सय रुपैयाँले घटेको छ ।
आज छापावाला सुन तोलामा १८ सय रुपैयाँले घटेर एक लाख ३६ हजार नौ सय रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ । हिजो उक्त सुृन प्रतितोला एक लाख ३८ हजार सात सय रुपैयाँमा कारोबार भएको थियो ।
यस्तै, आज तेजाबी सुन प्रतितोलामा एक लाख ३६ हजार दुई सय ५० रुपैयाँमा कारोबार भइरहेको छ ।
त्यसैगरी शुक्रबार चाँदीको मूल्य पनि घटेको छ । आज चाँदी प्रतितोला १० रुपैयाँले घटेर एक हजार आठ सय ५५ रुपैयाँमा कारोबार भइरहेको महासंघले जनाएको छ ।
