२२ चैत्र २०८१, शनिबार
,
Latest
जनसहभागिताबिनाका योजना सफल हुन सक्दैन: मुख्यमन्त्री पाण्डे तस्बिरमा हेर्नुस् रास्वपा केन्द्रीय परिषद्को राष्ट्रिय भेला समृद्ध मुलुक निर्माणका निम्ति प्रविधिको उपयोग अपरिहार्य छ: प्रधानमन्त्री बाहिरको प्रहार जति पनि खेप्छु, खेप्छौं, भित्रबाट प्रहार नगर्नुस् – रवि लामिछाने विद्युतीय जोखिम कम गर्न श्रमदानद्वारा झाडी हटाइँदै संविधान संशोधनको विषय मनोगत नभई वस्तुगत हुनुपर्छ: सभामुख घिमिरे (अन्तरवार्ता) मुस्ताङको पाक्लिङमा २० करोडको लागतमा गुम्बा निर्माण सुनको मूल्यमा सामान्य गिरावट गगनलाई रविको जवाफ: ‘प्रणाम छ भन्नुभएको रहेछ, मेरो पनि प्रणाम’ देशमा देखिएको समस्याहरुको मुल कारण नै संविधान होः अध्यक्ष लिङदेन

टोटेनहमले रोक्न सकेन म्यान्चेस्टर सिटीलाई, हालाण्डको दुई गोलमा सिटी उपाधि नजिक



अ+ अ-

काठमाडौँ । इंग्लिस प्रिमियर लिग फुटबल अन्तर्गत म्यान्चेस्टर सिटीले जित निकालेको छ । भर्खरै सम्पन्न खेलमा सिटीले टोटेनहमलाई उसकै घरेलु मैदानमा २–० गोलले पराजित गरेको हो । जितसँगै सिटी उपाधि नजिक पुगेको छ ।

सिटीलाई महत्वपूर्ण जित दिलाउन एर्लिङ हालाण्डले दुबै गोल गरे । उनले खेलको ५१ औं मिनेटमा पहिलो गोल गर्दै सिटीलाई सुरुवाती अग्रता दिलाएका थिए । केभिन डि ब्रुएनाको पासमा हालाण्डले बललाई जाली चुमाए ।

खेलको ८६ औं मिनेटमा टोटेनहमलाई बराबरी गर्ने अवसर थियो । सिटीका डिफेन्डर अकान्जीले गल्ती गर्दा टोटेनहमका कप्तान सन हेउंग मिनलाई गोल गर्ने सुनौलो अवसर थियो । उनले सिटीका सब्सीच्युड गोलकिपर स्टेफान ओर्टेगालाई वान भर्सेस वानमा गोल गर्न चुके ।

त्यसपछि खेल सकिनै लाग्दा इन्जुरी समयमा हालाण्डले पेनाल्टीमा गोल थपे । टोटेनहमका पेड्रो पोरोले सिटीका जेरेमी डोकुलाई डी–बक्सभित्र लडाएपछि सिटीले पेनाल्टी पाएको थियो जसलाई हालाण्डले खेर जान दिएनन् ।

जितसँगै सिटी अंकतालिकाको शीर्षस्थानमा उक्लिएको छ । सिटीको ३७ खेलबाट ८८ अंक छ । दोस्रो स्थानको आर्सनलको समान खेलबाट ८६ अंक छ । टोटेनहम ६३ अंकसहित पाँचौं स्थानमा छ ।

अब अन्तिम खेलमा सिटीले वेस्टहाम युनाइटेडको सामना गर्दा आर्सनल एभर्टनसँग भिड्नेछ । उपाधि होडमा रहेका दुबै टोलीका खेल घरेलु मैदानमा हुनेछ ।