काठमाडौं । इलाम क्षेत्र नम्बर २ मा मतदान जारी छ । बिहान ७ बजेबाट मतदान शुरु भएको हो ।
इलाम २ मा नेकपा एमालेबाट उम्मेदवार रहेका सुहाङ नेम्वाङले मतदान गरेका छन् । मतदान गरिसकेपछि बोल्दै नेम्वाङले उत्साहको महशुस भइरहेको बताए । उनले निर्वाचनको परिस्थितिले भावुक बनाएको पनि बताए ।
निर्वाचनकै लागि आफू डेढ वर्ष पहिला पितासँग आएको स्मरण गर्दै भावुक भएको बताए । घरदैलो कार्यक्रममा मतदाताहरुले देखाएको मायाले आफू जित्नेमा विश्वस्त रहेको बताए ।
यस क्षेत्रमा शान्तिपूर्ण एवं भयरहित वातावरणमा निर्वाचन सम्पन्न गर्न सात सय ४५ कर्मचारी, एक हजार पाँच सय २३ नेपाल प्रहरी, सात सय १० सशस्त्र प्रहरी बल, चार सय ५० नेपाली सेना र राष्ट्रिय अनुसन्धान विभागका २४ जना परिचालन गरिएको छ ।
यो चुनावमा एक लाख १५ हजार आठ सय ८९ मतदाता कायम भएका छन् ।
