२० चैत्र २०८१, बिहीबार
,
Latest
जनसहभागिताबिनाका योजना सफल हुन सक्दैन: मुख्यमन्त्री पाण्डे तस्बिरमा हेर्नुस् रास्वपा केन्द्रीय परिषद्को राष्ट्रिय भेला समृद्ध मुलुक निर्माणका निम्ति प्रविधिको उपयोग अपरिहार्य छ: प्रधानमन्त्री बाहिरको प्रहार जति पनि खेप्छु, खेप्छौं, भित्रबाट प्रहार नगर्नुस् – रवि लामिछाने विद्युतीय जोखिम कम गर्न श्रमदानद्वारा झाडी हटाइँदै संविधान संशोधनको विषय मनोगत नभई वस्तुगत हुनुपर्छ: सभामुख घिमिरे (अन्तरवार्ता) मुस्ताङको पाक्लिङमा २० करोडको लागतमा गुम्बा निर्माण सुनको मूल्यमा सामान्य गिरावट गगनलाई रविको जवाफ: ‘प्रणाम छ भन्नुभएको रहेछ, मेरो पनि प्रणाम’ देशमा देखिएको समस्याहरुको मुल कारण नै संविधान होः अध्यक्ष लिङदेन

कीर्तिमानी कोहलीः १० सिजनमा ४०० भन्दा बढी रन बनाउने पहिलो ब्याट्सम्यान



अ+ अ-

काठमाडौँ । रोयल च्यालेन्जर्स बैंगलोर (आरसीबी)ले आईपीएलको ४१ औं खेलमा सनराइजर्स हैदराबादलाई ३५ रनले हरायो । हैदराबादको राजीव गान्धी अन्तर्राष्ट्रिय रंगशालामा टस जितेर ब्याटिङ गरेको बैंगलोरले २० ओभरमा ७ विकेट गुमाएर २०६ रन बनाएको थियो ।

जवाफमा हैदराबादले २० ओभरमा ८ विकेट गुमाएर १ सय ७१ रन मात्र बनाउन सक्यो ।

आरसीबीका तर्फबाट विराट कोहली (५१ रन) र रजत पाटीदार (५० रन)ले अर्धशतक बनाए । आईपीएलका १० सिजनमा ४०० भन्दा बढी रन बनाउने विराट पहिलो खेलाडी बनेका छन् । योसँगै रजतले आईपीएलमा आरसीबीका लागि १९ बलमा दोस्रो छिटो अर्धशतक बनाए ।

कोहलीले यो सिजन ४०० रन पुरा गरेका छन् । उनी १० सिजनमा ४०० भन्दा बढी रन बनाउने पहिलो ब्याट्सम्यान बने । यसअघि उनी सुरेश रैना, डेभिड वार्नर, शिखर धवनसँग बराबरीमा थिए । तीनै ब्याट्सम्यानले आईपीएलको ९ सिजनमा ४०० भन्दा बढी रन बनाएका छन् । यद्यपि, यो सिजन डेभिड वार्नर र शिखर धवनले कोहलीसँग बराबरी गर्ने मौका भने छ ।

यसका साथै कोहलीले आईपीएलमा ओपनरका रुपमा ५१ रनको इनिङ्स खेल्दै ४ हजार रन पनि पुरा गरेका छन् । उनी यस्तो गर्ने चौथो ब्याट्सम्यान बने । यसअघि शिखर धवन, डेभिड वार्नर र क्रिस गेलले यो उपलब्धि हासिल गरिसकेका छन् । शिखर धवनले ओपनरका रूपमा २०२ इनिङ्समा सर्वाधिक ६३६२ रन बनाएका छन् । केएल राहुल पनि ४ हजार रन नजिक छन् ।