काठमाडौँ । सन् २०१३ मा युजवेन्द्र चहलले मुम्बई इन्डियन्सको जर्सी लगाएर आईपीएलमा डेब्यु गरेका थिए र आज ११ वर्षपछि चहलले आईपीएलमा इतिहास रचेका छन् ।
चहल आईपीएलमा २०० विकेट लिने पहिलो बलर बनेका छन् । चहलले आईपीएल २०२४ को ३८ औं खेलमा मुम्बई इन्डियन्स विरुद्ध खेल्दै यो ठूलो उपलब्धि हासिल गरेका हुन् ।
मोहम्मद नाबीलाई आफ्नो शिकार बनाएपछि चहलले यो स्थान हासिल गरेका हुन् ।
चहलले आईपीएलमा १ सय ५३ खेलमा २०० विकेट पूरा गरेका छन् । आईपीएलमा सबैभन्दा बढी विकेट लिनेको मामिलामा दोस्रो स्थानमा रहेका ड्वेन ब्राभोको नाममा १८३ विकेट छन् । पियुष चावलाको नाम १८१ विकेटका साथ तेस्रो स्थानमा छ । भुवनेश्वर कुमारको नाममा १७४ विकेट छन् ।
आईपीएल २०२४ मा युजवेन्द्र चहलको प्रदर्शन उत्कृष्ट रहेको छ । चहलले अहिलेसम्म ८ खेल खेल्दै १३ विकेट लिएका छन् । उनी अहिले पर्पल क्यापको दौडमा दोस्रो स्थानमा छन् । उनीभन्दा अगाडि जसप्रित बुमराह (१३ विकेट) छन् ।
