एजेन्सी । इन्डियन प्रिमियर लिग (आईपीएल) २०२४ मा आज कोलकाता नाइट राइडर्स (केकेआर) ले तालिकाको शीर्ष स्थानमा रहेको राजस्थान रोयल्स (आरआर)सँग खेल्दैछ । कोलकाता पनि नम्बर २ मा छ । कोलकाताको घरेलु मैदान इडेन गार्डेन स्टेडियममा हुन लागेको खेल नेपाली समयअनुसार बेलुकाको ७:४५ बजेबाट सुरु हुनेछ ।
कोलकाताको यो छैटौं र राजस्थानको सातौं खेल हुनेछ । ५ खेलमा ४ जित निकाल्दै ८ अंक जोडेको कोलकाता अंक तालिकाको दोस्रो स्थानमा छ । ६ मध्ये ५ जित हात पारेको राजस्थान १० अंकसहित शीर्ष स्थानमा छ ।
कोलकाता र राजस्थानबिचको हेड-टुहेड
आईपीएलमा हालसम्म कोलकाता नाइट राइडर्स र राजस्थान रोयल्सबीच २८ खेल भएका छन् । कोलकाताले १४ खेल जितेको छ भने राजस्थानले १३ खेल जितेको छ । जबकि एक खेल अनिर्णित रह्यो । कोलकातामा दुई टोलीबीच १० वटा खेल भएका थिए । जसमा कोलकाताले ६ र राजस्थानले ३ जित हात पारेको छ । एक खेल भने नतिजा आउन सकेन ।
फिल साल्ट कोलकाताका सर्वाधिक रन स्कोरर
कोलकाताले यो सिजन उत्कृष्ट सुरुवात गरेको थियो । टोलीले आफ्नो पहिलो तीन खेल लगातार जित्यो। पहिलो खेलमा सनराइजर्स हैदरावादलाई, दोस्रो खेलमा रोयल च्यालेन्जर्स बैंग्लोर र तेस्रो खेलमा दिल्ली क्यापिटल्सलाई पराजित गरेको थियो । चौथो खेलमा चेन्नई सुपर किंग्ससँग पराजित भएको थियो । टोलीले घरेलु मैदानमा भएको अन्तिम खेलमा लखनऊ सुपर जाइन्ट्सलाई हराएको थियो ।
विकेटकिपर ब्याट्सम्यान फिल साल्टले टीमको लागि सर्वाधिक १९१ रन बनाएका छन् । वैभव अरोराले तीन खेलमा ६ विकेट लिएका छन् ।
पराग राजस्थानका सर्वाधिक रन बनाउने खेलाडी
राजस्थान यो सिजन उत्कृष्ट लयमा छ । टोलीले लगातार चार खेल जितेको थियो । पहिलो खेलमा लखनउ सुपर जाइन्ट्स, दोस्रोमा दिल्ली क्यापिटल्स, तेस्रोमा मुम्बई इन्डियन्स र चौथो खेलमा रोयल च्यालेन्जर्स बैंग्लोरलाई पराजित गरेको थियो । पाँचौं खेलमा गुजरात टाइटन्ससँग तीन विकेटले पराजित भएको थियो । तर, राजस्थानले पुनरागमन गर्दै छैटौं खेलमा पञ्जाब किंग्सलाई हराएको थियो ।
मध्यक्रमका ब्याट्सम्यान रियान पराग टोलीका सर्वाधिक रन स्कोरर हुन् । उनले ६ खेलमा २८४ रन बनाएका छन् । युजभेन्द्र चहल प्रतियोगितामा सर्वाधिक विकेट लिने खेलाडी हुन् । उनले ६ खेलमा ११ विकेट लिएका छन् ।
पिच रिपोर्ट
इडेन गार्डेन्स स्टेडियमको पिचमा ब्याट्सम्यानले सहयोग पाएका छन् । यस रंगशालामा हालसम्म ८८ आईपीएल खेल खेलिएका छन् । यहाँ पहिले ब्याटिङ गर्ने टोलीले ३६ खेल जितेका छन् भने पछि ब्याटिङ गर्ने टोलीले ५२ खेल जितेका छन् ।
यस स्टेडियमको उच्चतम स्कोर २३५/४ हो, जुन गत वर्ष कोलकाता विरुद्ध चेन्नई सुपर किंग्सले बनाएको थियो।
कोलकाता नाइट राइडर्सको सम्भावित प्लेइङ ११:
श्रेयस अय्यर (कप्तान), फिल साल्ट (विकेटकीपर), सुनील नारायण, वेंकटेश अय्यर, अंगक्रिश रघुवंशी, आन्द्रे रसेल, रमनदीप सिंह, मिचेल स्टार्क, वैभव अरोरा, वरुण चक्रवर्ती र हर्षित राना।
इम्प्याक्ट प्लेयर: रिंकु सिंह।
राजस्थान रोयल्सको सम्भावित प्लेइङ ११:
सञ्जु सैमसन (विकेटकीपर र कप्तान), यशस्वी जैसवाल, रियान पराग, ध्रुव जुरेल, शिमरोन हेटमायर, रोभमान पावेल, तनुष कोटियनररविचन्द्रन अश्विन, युजवेन्द्र चहल, ट्रेन्ट बोल्ट, केशव महाराज, कुलदीप सेन, आवेश खान।
इम्प्याक्ट प्लेयर: नवदीप सैनी।
