काठमाडौँ । बुधबार नेपालमा १२५ जना कोरोना भाइरसका संक्रमित थपिएका छन् ।
पछिल्लो २४ घण्टामा देशका विभिन्न प्रयोगशालामा ३ हजार ८ सय ३८ जनाको पिसिआर परिक्षणमा १२५ जनामा संक्रमण पुष्टि भएसंग नेपालमा कोरोना भाइरसबाट संक्रमित हुनेको संख्या २ लाख ७३ हजार ७० पुगेको छ ।
स्वास्थ्य मन्त्रालयका अनुसार पछिल्लो २४ घण्टामा थप ९१ जना संक्रमणमुक्त भएका छन् । हालसम्म निको हुनेको संख्या २ लाख ६९ हजार ३ सय ९४ रहेको छ ।
यस्तै बुधबारसम्म मृत्यु हुनेको संख्या २ हजार ५५ रहेको छ । योसँगै नेपालमा १ हजार ६२१ सक्रिय संक्रमित रहेका छन् ।
अहिलेसम्म देशभर २१ लाख २७ हजार ७८९ नमुनाको पीसीआर परीक्षण भएको छ ।
