काठमाडौं । नेपाल सुपर लिग (एनएसएल) अन्तर्गत आज स्पोर्टिङ इलाम डे मेची एफसी र पोखरा थन्डर्स भिड्दैछन् ।
यी दुई टोलीबीचको खेल त्रिपुरेश्वरस्थित दशरथ रंगशालामा साँझ ५ बजे सुरु हुनेछ ।
इलाम र पोखरा आज आफ्नो दोस्रो जित निकाल्ने लक्ष्यमा हुनेछन् । इलाम आफ्नो पछिल्लो खेलमा बुटवल लुम्बिनीसँग २-१ ले पराजित भएको थियो । पोखराले भने पछिल्लो खेलमा झापा एफसीसँग बराबरी खेल्दै अंक बाँडेको थियो ।
पोखरा ३ खेलमा १ जित र २ बराबरीसँगै ५ अंकको साथ तालिकाको चौथो स्थानमा रहेको छ । ३ खेलमा १ जित र २ हार बेहोरेको इलाम ३ अंकसहित तालिकाको सातौं स्थान छ ।
आजको खेल जितेमा पोखरा अंक तालिकाको शीर्ष स्थानमा उक्लनेछ भने इलाम दोस्रो स्थानमा उक्लने छ । धनगढी ७ अंकको साथ अंकतालिकाको शिर्षस्थानमा छ ।
