एजेन्सी । ‘गदर २’ को अपार सफलताले बलिउडका कल्ट क्लासिक फिल्महरूको सिक्वेलको माग फेरि बढाएको छ । र यो मागमा पहिलो नाम आउँछ फिल्म निर्माता जेपी दत्ता र सन्नी देओलको फिल्म ‘बोर्डर’को ।
दर्शकको ठूलो मागमा अब २६ वर्षपछि जेपी दत्ता र सनी देओलले बोर्डरको सिक्वेलका लागि हात मिलाएको सुनिएको छ । बोर्डर भन्दा पहिले जेपी दत्त र सन्नी देओलले ‘यथीम’ र ‘क्षत्रिय’मा सँगै काम गरेका थिए ।
तर यस पटक बोर्डरको सिक्वेलमा ट्विस्ट आएको छ र त्यो हो, पहिलो बोर्डरसँग बोर्डर २ को कुनै सम्बन्ध रहने छैन । यसबारे एक नजिकको स्रोतले भने, ‘बोर्डरको सिक्वेल एकदमै फरक फिल्म हुनेछ जसमा सनी देओल फेरि सिपाहीको भूमिकामा देखिनेछन् । यस पटक उनको साथमा आयुष्मान खुराना, सुनील शेट्टीका छोरा अहान शेट्टी र पञ्जाबी अभिनेता एमी विर्क पनि मुख्य भूमिकामा देखिनेछन् ।
चाखलाग्दो कुरा के छ भने, यो पनि भनिएको छ कि आयुष्मान खुराना भन्दा पहिले कार्तिक आर्यनलाई बोर्डर २ को अफर गरिएको थियो तर उनले त्यसलाई अस्वीकार गरेपछि आयुष्मानलाई कास्ट गरियो । बोर्डर २ आहान शेट्टीको डेब्यू फिल्म ‘तडप’पछिको दोस्रो फिल्म हुनेछ । पञ्जाबी स्टार एमी विर्क, जसले पहिले धेरै हिन्दी फिल्महरू अस्वीकार गरे, तर तुरुन्तै बोर्डर २ मा भने राजी भए ।
