एजेन्सी । एसियाली खेलकुद २०२३ मा भारतले सुटिङमा पहिलो स्वर्ण पदक जित्यो । चीनको हाङ्झाउमा भएको १० मिटर एयर राइफल टिम सुटिङ इभेन्टमा दिव्यांश सिंह पनवार, ऐश्वर्या प्रताप सिंह र रुद्राङ्क पाटिलले १८९३.७ स्कोर गर्दै स्वर्ण पदक जिते ।
यो स्वर्ण पदक विजेता शूटर टोलीका सदस्य दिव्यांश जयपुरका निवासी हुन् । दिव्यांशका बुबा अशोक पनवार जयपुरको सवाई मानसिंह मेडिकल कलेजमा वरिष्ठ नर्सिङ स्टाफको रूपमा काम गर्छन् । आमा निर्मला देवी पनि नर्स हुन् ।
दिव्यांशका पिता अशोक पनवारले भने, ‘केही वर्ष पहिले दिव्यांशलाई अनलाइन गेम पब्जी खेल्ने लत लागेको थियो । यसबाट छुटकारा पाउन दिव्यांशलाई दिदी मानवसँगै जगतपुरा सुटिङ रेन्जमा पठाए र उनलाई राइफल दिइयो ।
स्वर्ण पदक जितेपछि दिव्यांशले भने, ‘हामीले भारतका लागि पहिलो स्वर्ण जितेको थाहा पाउने बित्तिकै खुशीको सीमा रहेन । राष्ट्रिय गान बजाउँदा कस्तो अनुभूति हुन्छ, त्यो वर्णन गर्न सकिँदैन । भोलि हामी मिश्रित खेल खेल्नेछौं । हामी भारतका लागि अर्को पदक ल्याउने प्रयास गर्नेछौं ।’
दिव्यांशको प्रारम्भिक प्रशिक्षण जयपुरमै भएको थियो । यसपछि दिव्यांशलाई प्रशिक्षणका लागि दिल्लीको कर्णी सिंह सुटिङ रेन्जमा प्रशिक्षक दीपक कुमार दुबेसँग पठाइएको थियो । दिव्यांशले जुनियर विश्व सुटिङ च्याम्पियनसिप र जुनियर विश्वकपमा दुई स्वर्णसहित तीन पदक जितेका छन् । उनले २०१८ को जुनियर विश्व च्याम्पियनसिपमा मिक्स इभेन्टमा कास्य पदक जितेका थिए । जबकि विश्वकपमा दुई स्वर्ण जितेका थिए ।
बुबा अशोक पन्वारले भने – ‘दिव्यांश सुरुदेखि नै धार्मिक गतिविधिमा विश्वास गर्छन् । यसअघि उनी अभ्यासका क्रममा प्रायः दुःखी हुने गरेका थिए । उनका प्रशिक्षक दीपक कुमार दुबेले यो कुरा याद गरे । उनले दिव्यांशलाई गीता पढ्न दिए ताकि उसले आफ्नो लक्ष्यमा ध्यान दिन सकून् । उनले दिव्यांशलाई गीता नियमित पढ्न सल्लाह दिए । त्यसयता दिव्यांशले गीतालाई सधैं आफूसँग राख्छन् । शुटिङ र अभ्यासमा समय मिल्दा दिव्यांशले गीता पढ्छन् ।’
दिव्यांशले सन् २०१९ को आईएसएसएफ विश्वकपमा ६ पदक जितेका थिए । जसमा चार स्वर्ण, एक रजत र एक कास्य पदक रहेका छन् । उनले व्यक्तिगत १० मिटर एयर राइफलमा स्वर्ण र एक रजत जिते । मिक्स डबल्समा उनले ३ स्वर्ण र १ कास्य जितेका थिए ।
