एजेन्सी । एसिया कप अन्तर्गत भारतका ब्याट्सम्यान केएल राहुलले पाकिस्तानविरुद्ध अर्धशतक बनाएका छन् ।
कोलम्बोमा जारी सुपर फोरको खेलमा उनले ६० बलमा अर्धशतक बनाएका हुन् । उनले ५ चौका र १ छक्का प्रहार गरे । उनको यो एकदिवसीय करिअरमा १४ औं अर्धशतक हो ।
यो समाचार तयार पार्दासम्म भारत ३४.२ ओभरमा २ विकेटको क्षतिमा २१५ रनको स्थितीमा छन् । आइतबार वर्षाका कारण खेल हुन नसकेपछि आज रिजर्भ डेमा खेल खेलिएको हो ।
